ଭବାନୀପାଟଣା: ଚିଙ୍ଗିଡିପାସ ଗାଁରେ ଡାଇରିଆ ଆତଙ୍କ । ପୁଣି ଗଲା ଆଉ ଜଣଙ୍କ ଜୀବନ । ଗତ ୯ ତାରିଖରେ ଝାଡାବାନ୍ତି ହୋଇ ଜଣଙ୍କର ମୃତ୍ୟୁ ହୋଇଥିବା ବେଳେ ଆଜି ଆଉ ଜଣଙ୍କର ମୃତ୍ୟୁ ହୋଇଛି । ମୃତକଙ୍କ ନାମ ରାମ ମାଝୀ ।
ଏହା ମଧ୍ୟ ପଢନ୍ତୁ:-ଚିଙ୍ଗଡି଼ପାସ ଗାଁରେ ଝାଡାବାନ୍ତି ଆତଙ୍କ, ଜଣେ ମୃତ
ସୋମବାର ରାମ ମାଝୀଙ୍କୁ ଥୁଆମୂଳ ରାମପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା । ସେଠାରେ ସ୍ବାସ୍ଥ୍ୟବସ୍ଥା ଗୁରୁତର ହେବାରୁ ତାଙ୍କୁ ତାଙ୍କୁ ବୁର୍ଲା ଡାକ୍ତରଖାନାକୁ ରେଫର କରିଥିଲେ ଡାକ୍ତର । କିନ୍ତୁ ସେଠାରେ ପହଞ୍ଚିବା ପୂର୍ବରୁ ରାମ ମାଝୀଙ୍କ ମୃତ୍ୟୁ ହୋଇଥିଲା । ଗତକାଲି ଗାଁକୁ ମେଡ଼ିକାଲ ଟିମ୍ ଯାଇ ଆକ୍ରାନ୍ତ ବ୍ୟକ୍ତିଙ୍କୁ ଚିକିତ୍ସାସେବା ଯୋଗାଇ ଦେଇଥିବା ବେଳେ ଗୁରୁତର ରୋଗୀଙ୍କୁ ଥୁଆମୂଳ ରାମପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଇଥିଲେ ।
