ଭବାନୀପାଟଣା: କଳାହାଣ୍ଡି ଜିଲ୍ଲାର ଅଙ୍ଗନୱାଡି କର୍ମୀଙ୍କୁ ସରକାରୀ ମାନ୍ୟତା ତଥା ଅନ୍ୟ ସୁବିଧା ସମ୍ପର୍କରେ ଦାବି କରି ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରିଛନ୍ତି । ତେବେ ସେ 8 ଦଫାର ଦାବିପତ୍ର ରାଜ୍ୟ ସରକାରଙ୍କ ଉଦ୍ଦେଶ୍ୟରେ ଜିଲ୍ଲାପାଳଙ୍କୁ ଦେଇଥିବା ଜଣାପଡିଛି ।
ଅଙ୍ଗନୱାଡି କର୍ମୀମାନଙ୍କ ଦରମା 18000 ରୁ ଊର୍ଦ୍ଧ୍ବ କରିବା, କର୍ମୀମାନଙ୍କୁ ସରକାରୀ ପ୍ରାଇମେରୀ ଶିକ୍ଷୟିତ୍ରୀ ନିଯୁକ୍ତି, କର୍ମୀମାନଙ୍କୁ ଇପିଏଫ, ଇଏସଆଇ, ଗ୍ରାଚ୍ୟୁଟି ଆଦି ଯୋଗାଇବା ସହିତ ଯେଉଁ କର୍ମୀଙ୍କ ଶିକ୍ଷାକେନ୍ଦ୍ର ନାହିଁ ତାଙ୍କୁ 3 ହଜାର ଟଙ୍କା ଘରଭଡା ଦେବା ଓ ପରିଶେଷରେ ଗାଁ କଲ୍ୟାଣ ସମିତିରୁ କର୍ମୀଙ୍କୁ ବାଦ ଦେବା ଆଦି ଦାବି ନେଇ କେନ୍ଦ୍ର ଓ ରାଜ୍ୟ ସରକାରଙ୍କ ଉଦ୍ଦେଶ୍ୟରେ ଜିଲ୍ଲାପାଳଙ୍କ ଜରିଆରେ 8 ଦଫା ଦାବିପତ୍ର ପ୍ରଦାନ କରାଯାଇଛି ।
ତେବେ ଆନ୍ଦୋଳନକାରୀମାନେ ପ୍ରଥମେ ବାଲାଜୀ ମନ୍ଦିର ନିକଟରୁ ଏକ ଶୋଭାଯାତ୍ରାରେ ବାହାରି ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପହଞ୍ଚି ବିକ୍ଷୋଭ ପ୍ରଦର୍ଶନ କରିଥିଲେ । ପରେ ଜିଲ୍ଲାପାଳଙ୍କୁ ଭେଟି ଦାବିପତ୍ର ଦେଇଥିବା ଜଣାପଡିଛି ।
କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ
