କଳାହାଣ୍ଡି: ଦିନକୁ ଦିନ ବଢିଚାଲିଛି କୁକୁର ଆତଙ୍କ । କଳାହାଣ୍ଡିରେ ଜିଲ୍ଲାରେ ବୁଲା କୁକୁରଙ୍କ ଆତଙ୍କରେ ଆତଙ୍କିତ ଅଞ୍ଚଳବାସୀ । କୁକୁର କାମୁଡାରେ ଜଣେ ବୃଦ୍ଧାଙ୍କର ମୃତ୍ୟୁ ହୋଇଛି । ମୃତକ ବାଞ୍ଜିବାହାଲ ଗାଁର 57 ବର୍ଷୀୟ ଭୂମିସୂତା ମାଝି ।
ଭିଡିଓ ସୌଜନ୍ୟ: ସମ୍ବାଦଦାତା, କଳାହାଣ୍ଡି
ସୂଚନା ଅନୁସାରେ ଉକ୍ତ ବୃଦ୍ଧା ଶୌଚ ହେବା ପାଇଁ ବାହାରକୁ ଯାଇଥିବା ବେଳେ ବୁଲା କୁକୁରଙ୍କ ହବୁଡରେ ପଡିଯାଇଥିଲେ ସେ । ବୃଦ୍ଧାଙ୍କୁ ଏକୁଟିଆ ପାଇ କୁକୁମାନେ ତାଙ୍କୁ ଆକ୍ରମଣ କରିଥିଲା । ତେବେ କୁକୁରମାନେ ଭୂମିସୂତାଙ୍କ ବେକ ଏବଂ ମୁହଁକୁ କାମୁଡି ଛିନଛତର କରିଦେଇଥିବା ଦେଖିବାକୁ ମିଳିଛି । କୁକୁରଙ୍କ ମରଣାନ୍ତର ଆକ୍ରମଣରେ ଘଟଣାସ୍ଥଳରେ ଉକ୍ତ ବୃଦ୍ଧାଙ୍କର ମୃତ୍ୟୁ ଘଟିଛି ।
କଳାହାଣ୍ଡିରୁ ଅଜିତ୍ ସିଂ, ଇଟିଭି ଭାରତ
