ଝାରସୁଗୁଡ଼ା: ଜିଲ୍ଲା ପୋଲିସକୁ ବଡ଼ ସଫଳତା । ବିଭିନ୍ନ ସ୍ଥାନରୁ ଚୋରୀ ହୋଇଥିବା ବା ହଜି ଯାଇଥିବା 201ଟି ମୋବାଇଲକୁ ଜବତ କରିଛି ପୋଲିସ । ଜବତ ମୋବାଇଲରର ମୂଲ୍ୟ 20 ଲକ୍ଷରୁ ଅଧିକ ହେବ ବୋଲି ପୋଲି ସୂଚନା ଦେଇଛି । ଆଜି (ମଙ୍ଗଳବାର) ଝାରସୁଗୁଡା ଜିଲ୍ଲା ଆରକ୍ଷୀ ଅଧିକ୍ଷଙ୍କ କାର୍ଯ୍ୟାଳୟରେ ଉଦ୍ଧାର ହୋଇଥିବା ମୋବାଇଲ ଗୁଡିକୁ ପ୍ରକୃତ ମାଲିକଙ୍କୁ ପୋଲିସ ହସ୍ତାନ୍ତର କରିଛି । ଏହି ଘଟଣାରେ ସମ୍ପୃକ୍ତ 4 ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ ।
ବର୍ଷକ ମଧ୍ୟରେ ହଜି ଯାଇଥିବା ବା ଚୋରୀ ହୋଇଥିବା ସମସ୍ତ ମୋବାଇଲ ଗୁଡିକୁ ଠାବ କରିବା ପାଇଁ ଝାରସୁଗୁଡା ପୋଲିସ ଗତ ଜୁନ 10 ତାରିଖରୁ ଏକ ସ୍ୱତନ୍ତ୍ର ଅପରେସନ ଆରମ୍ଭ କରିଥିଲା । ଜିଲ୍ଲାର ସମସ୍ତ ଥାନା ଅଧିକାରୀଙ୍କୁ ଏନେଇ ଏକ ଡାଟା ବେଶ ପ୍ରସ୍ତୁତ କରିବା ପାଇଁ ଏସପି ନିର୍ଦ୍ଦେଶ ଦେଇଥିଲେ । ଡାଟା ବେଶ ଅନୁସାରେ ଜିଲ୍ଲାର ବିଭିନ୍ନ ଥାନାରେ ମୋବାଇଲ ଚୋରୀ ଓ ହଜି ଯାଇଥିବା ନେଇ 413ଟି ମାମଲା ରୁଜୁ ହୋଇଥିଲା । ମୋବାଇଲ ଗୁଡିକ ରାଜ୍ୟର ବିଭିନ୍ନ ସ୍ଥାନ ଏବଂ ଛତିଶଗଡ଼, ମହାରାଷ୍ଟ୍ର, ଦିଲ୍ଲୀ, ଝାଡ଼ଖଣ୍ଡରୁ ଜବତ ହୋଇଛି ।
