ଝାରସୁଗୁଡ଼ା: ଚୌକିପଡାର ନିର୍ମାଣଧୀନ ରେଲୱେ ଓଭର ବ୍ରିଜକୁ ନେଇ ସମୀକ୍ଷା ବୈଠକ ଅନୁଷ୍ଠିତ ହୋଇଛି । ସ୍ଵାସ୍ଥ୍ୟମନ୍ତ୍ରୀ ନବକିଶୋର ଦାସଙ୍କ ଅଧ୍ୟକ୍ଷତାରେ ଏହି ବୈଠକ ଆୟୋଜିତ ହୋଇଥିଲା । ବୈଠକରେ ଝାରସୁଗୁଡା ରେଳ ବିଭାଗ ଅଧିକାରୀ, ସ୍ଥାନୀୟ ବୁଦ୍ଧିଜୀବୀ ମଧ୍ୟ ସାମିଲ ହୋଇଥିଲେ ।
ଝାରସୁଗୁଡ଼ା ଜିଲ୍ଲା ଚୌକିପଡାରେ ନିର୍ମାଣ ହେବାକୁ ଥିବା ଓଭର ବିଜ୍ରର ପୂର୍ବ ପ୍ରସ୍ତୁତି ଉପରେ ବୈଠକରେ ଆଲୋଚନା ହୋଇଛି । ଓଭରବ୍ରିଜ ହେଲେ ମୁଖ୍ୟ ବଜାର ଓ ଚୌକିପଡାରେ ଥିବା ୧୦୦ରୁ ଉର୍ଦ୍ଧ୍ଵ ଦୋକାନ ଉଚ୍ଛେଦ କରାଯିବ । ତେବେ ବ୍ୟବସାୟୀମାନଙ୍କ କିପରି ଓ କେଉଁଠିକୁ ସ୍ଥାନାନ୍ତରିତ କରାଯିବ ସେନେଇ ସମୀକ୍ଷା ହୋଇଛି ।
ଝାରସୁଗୁଡା ଜିଲ୍ଲାବାସୀଙ୍କ ୫୦ ବର୍ଷର ଦାବି ପୂରଣ ହେବାକୁ ଯାଉଛି । ଏହା ନୂତନ ଝାରସୁଗୁଡା ନିର୍ମାଣର ଏକ ଅଂଶବିଶେଷ । ଏହା ମଧ୍ୟ ନିର୍ବାଚନ ପ୍ରତିଶୃତି ଥିଲା ବୋଲି କହିଛନ୍ତି ସ୍ବସ୍ଥ୍ୟମନ୍ତ୍ରୀ ନବକିଶୋର ଦାସ । ଟେଣ୍ଡର ପ୍ରକ୍ରିୟା ଶେଷ ହୋଇଛି ଓ ରେଲୱେ ଜମି ପାଇଁ ରାଜ୍ୟ ସରକାର ଅର୍ଥ ମଧ୍ୟ ଭରଣା କରିଛନ୍ତି । କ୍ଷତିଗ୍ରସ୍ତ ବ୍ୟବସାୟୀଙ୍କୁ ମଧ୍ୟ ଥଇଥାନର ବ୍ୟବସ୍ଥା କରାଯାଇ ତିନିମାସ ମଧ୍ୟରେ କାମ ଆରମ୍ଭ ହେବ ବୋଲି କହିଛନ୍ତି ମନ୍ତ୍ରୀ ।
ଝାରସୁଗୁଡ଼ାରୁ ଗୁରୁଚରଣ ବାଘ, ଇଟିଭି ଭାରତ
