ଝାରସୁଗୁଡା: ଝାରସୁଗୁଡା ଜିଲ୍ଲା ସୀମାନ୍ତରେ ଚାଲିଥିବା ଜୁଆ ଆଡ୍ଡାରେ ଅତର୍କିତ ଚଢାଉ କରିଛି ରେଙ୍ଗାଲୀ ପୋଲିସ । ଏହି ଚଢାଉ ବେଳେ 19 ଜଣ ଜୁଆଡି ଧରାପଡିଥିବା ପୋଲିସ ସୂଚନା ଦେଇଛି । ଗିରଫ ଅଭିଯୁକ୍ତମାନେ ଓଡିଶା ଓ ଛତିଶଗଡର ବୋଲି ଜଣାପଡିଛି ।
ଗତରାତିରେ ରେଙ୍ଗାଲୀ ଥାନା ଅନ୍ତର୍ଗତ କନକତୋରା ଗାଁର ଏକ ଫାର୍ମରେ ଜୁଆ ଖେଳ ଚାଲିଥିବା ଖବର ପାଇ ଏସପି ରାହୁଲ ପିଆର ସ୍ଥାନୀୟ ପୋଲିସକୁ ନିର୍ଦ୍ଦେଶ ଦେବା ପରେ ରେଙ୍ଗାଲୀ ଥାନା ପୋଲିସ ଘଟଣାସ୍ଥଳରେ ଚଢ଼ାଉ କରିଥିଲ। । ଚଢ଼ାଉ ସମୟରେ ଛତିଶଗଡ଼ ରାଜ୍ୟର 4 ଜୁଆଡିଙ୍କ ସମେତ ମୋଟ 19 ଜଣଙ୍କୁ ଗିରଫ କରିଥିଲା । ସେମାନଙ୍କ ନିକଟରୁ ନଗଦ 60 ହଜାର ଟଙ୍କା ସହ 5ଟି ବାଇକ ଓ 19ଟି ମୋବାଇଲ ଜବତ କରିଥିଲା ପୋଲିସ । ଆଜି ସମସ୍ତ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି ।
ଝାରସୁଗୁଡାରୁ ରବି ନାରାୟଣ ସାହୁ , ଇଟିଭି ଭାରତ
