ଝାରସୁଗୁଡା: ପୂର୍ବ ଶତ୍ରୁତାକୁ କେନ୍ଦ୍ର କରି ଦୁଇ ଗୋଷ୍ଠୀ ମଧ୍ୟରେ ଗୁଳିକାଣ୍ଡ । ଝାରସୁଗୁଡା ଜିଲ୍ଲା ବ୍ରଜରାଜନଗରରେ ଗୋଟିଏ ଗୋଷ୍ଠୀ ଯୁବକଙ୍କ ଉପରେ ଅନ୍ୟ ଏକ ଗୋଷ୍ଠୀ ଉପରେ ଗୁଳି ଚାଳନା କରିବା ଦ୍ବାରା ଘଟଣାସ୍ଥଳରେ ଜଣେ ଯୁବକଙ୍କ ମୃତ୍ୟୁ ଘଟିଛି । ମୃତ ଯୁବକ ଜଣକ ହେଲେ ପିଣ୍ଟୁ ବାଉରୀ ।
ସୂଚନା ଅନୁସାରେ, ବ୍ରଜରାଜନଗର ମଣ୍ଡଳିଆସ୍ଥିତ ଏକ ଜଳାଶୟ ନିକଟରେ ଥିବା ଶିବ ମନ୍ଦିର ନିକଟରେ ଗୁଳିକାଣ୍ଡ ଘଟିଛି । ଗୋଟିଏ ଗୋଷ୍ଠୀର ଯୁବକମାନେ ଅନ୍ୟଏକ ଗୋଷ୍ଠୀଙ୍କ ଉପରକୁ ଦୁଇ ରାଉଣ୍ଡ ଗୁଳି ଚାଳନା କରିଥିଲେ । ଏହାସହ ମାଡ ମଧ୍ୟ ମାରିଥିବା ଅଭିଯୋଗ ହୋଇଛି ।
ଏହି ଖବର ପାଇବା ପରେ ଘଟଣାସ୍ଥଳରେ ଓରିଏଣ୍ଟ ପୋଲିସ ପହଞ୍ଚିଛି। ତେବେ ଗୁଳିକାଣ୍ଡ ଘଟାଇଥିବା ଗୋଷ୍ଠୀ ଫେରାର ଥିବାବେଳେ ସେମାନଙ୍କୁ ଧରିବାକୁ ଛାନଭିନ ଆରମ୍ଭ କରିଛି ।
ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ
