ଝାରସୁଗୁଡ଼ା : ଆଜି ମୁସଲମାନ ସମ୍ପ୍ରଦାୟର ପବିତ୍ର ପର୍ବ ମହରମ । ରମଜାନ ପରେ ମୁସଲିମ ସମ୍ପ୍ରଦାୟର ଏହା ଦ୍ବିତୀୟ ପବିତ୍ର ମାସ । ଦେଶର ପ୍ରାୟ ସବୁ ମୁସଲିମ ସମ୍ପ୍ରଦାୟ ସ୍ଥାନରେ ଏହି ପର୍ବ ବେଶ ଧୁମଧାମରେ ପାଳନ ହୋଇଥାଏ । ଏହି କ୍ରମରେ ଆଜି ଝାରସୁଗୁଡ଼ା ସହରର ହଟଲିପଡ଼ା ଠାରେ ପାଳିତ ହୋଇଯାଇଛି ମହରମ ।
ଆଜି ମୁସଲମାନ ସମ୍ପ୍ରଦାୟର ପବିତ୍ର ପର୍ବ ମହରମ
ମୁସଲିମ ଧର୍ମର ଲୋକମାନେ ସକାଳେ ପ୍ରଥମେ ସ୍ଥାନୀୟ ମସଜିଦ ଠାରେ ପ୍ରାର୍ଥନା କରି ଏକ ଶୋଭାଯାତ୍ରାରେ ବାହାରିଥିଲେ । ଶୋଭାଯାତ୍ରାକାରୀ ସ୍ଥାନୀୟ ମଙ୍ଗଳବଜାର ପରିକ୍ରମା କରିଥିଲେ । ପିଲାଠୁ ନେଇ ବୁଢ଼ା ପର୍ଯ୍ୟନ୍ତ ସମସ୍ତେ ଏହି ଶୋଭଯାତ୍ରାରେ ସାମିଲ ହୋଇ ପରସ୍ପରକୁ ଶୁଭେଚ୍ଛା ଜଣାଇଥିଲେ । ଏହି ଅବସରେ ଜଣେ ମୁସଲିମ ସମ୍ପ୍ରଦାୟର ବ୍ୟକ୍ତି ମହରମ ପର୍ବ ପାଳନ ସଂପର୍କରେ କହିଛନ୍ତି । ଶୋଭାଯାତ୍ରା ବେଳେ ମୁସଲିମ ସମ୍ପ୍ରଦାୟର ଲୋକମାନେ ନିଜ ଦେହକୁ କ୍ଷତାକ୍ତ କରି ପ୍ରୋଫେଟ ମହମ୍ମଦଙ୍କ ନାତି ଇମାମ ହୁସେନଙ୍କ ତ୍ୟାଗ ଓ ବଳିଦାନକୁ ମନେ ପକାଇଥାନ୍ତି ।
ଇଟିଭି ଭାରତ, ଝାରସୁଗୁଡ଼ା
