ଝାରସୁଗୁଡା: ଲଇକେରା ଥାନା କିର୍ମିରା ବ୍ଲକ ଶଙ୍କରାବାହାଲ ଗାଁର ଚାଷୀ ଧାନ ପେଶୁଥିବା ସମୟରେ ମେସିନ ଭିତରେ ପଶିଯିବାରୁ ତାଙ୍କର ମୃତ୍ୟୁ ହୋଇଛି। ମୃତ ଚାଷୀ କୋଲାବିରା ବ୍ଲକ ନୂଆପାଲି ଗାଁର ସୁଶାନ୍ତ ଧୁରୁଆ (୨୪) ବୋଲି ଜଣାପଡିଛି । ଅସାବଧାନତା ଯୋଗୁଁ ସେ ମେସିନ ଭିତରେ ପଶିଯାଇଥିବା ସୂଚନା ମିଳିଛି।
ଧାନ ପେଶୁ ପେଶୁ ଟାଣି ନେଲା ମେସିନ, ଚାଷୀ ମୃତ
ଖବରପାଇ ଲଇକେରା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଚଳାଇଛନ୍ତି । ଆଜି ସନ୍ଧ୍ୟା ହୋଇଯାଇଥିବାରୁ ବୁଧବାର ମେସିନ ଖୋଲି ମୃତଦେହ ବାହାର କରି ବ୍ୟବଚ୍ଛେଦ କରାଯିବ ବୋଲି କହିଛନ୍ତି ଥାନାଧିକାରୀ ।
ସୂଚନାନୁସାରେ ଶଙ୍କରାବାହାଲ ଗାଁର ସୌକିନି ଖଡିଆ ସିଂବାହାଲ ଗାଁର ବିରଞ୍ଚି ନାଏକଙ୍କର ଧାନ ପେଶା ମେସିନ ( ଥ୍ରୀସର ) ଭଡା ସୂତ୍ରରେ ଆଣି ଖଳାରେ ଅମଳ କରି ରଖିଥିବା ଧାନକୁ ପେଷି ଧାନ ବାହାର କରୁଥିଲେ ।
ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ
