ଝାରସୁଗୁଡା: ବଲିଉଡ଼ ଅଭିନେତ୍ରୀ କଙ୍ଗନା ରଣାୱତଙ୍କ ବିରୋଧରେ ସାମାଜିକ ଗଣମାଧ୍ୟମରେ ଆପତ୍ତିଜନକ ମନ୍ତବ୍ୟ, ଓକିଲଙ୍କ ନାଁରେ ଏତଲା ପରେ ମଧ୍ୟ କାର୍ଯ୍ୟାନୁଷ୍ଠାନ ନ ନେବାରୁ ଜିଲ୍ଲା ବିଜେପି ପକ୍ଷରୁ ସମ୍ପୃକ୍ତ ଓକିଲ ବିରୋଧରେ ଥାନା ଅଭିମୁଖେ ରାଲି କରାଯାଇଛି ।
ଜିଲ୍ଲା ବିଜେପି ପକ୍ଷରୁ ଆଇନଜୀବୀଙ୍କ ତୁରନ୍ତ ଗିରଫ କରିବା ଦାବିର ଗୁରୁବାର ଜିଲ୍ଲା ବିଜେପି ପକ୍ଷରୁ ଏକ ରାଲିରେ ଝାରସୁଗୁଡ଼ା ବିଜେପି କାର୍ଯ୍ୟାଳୟରୁ ବାହାରି ଟାଉନଥାନା ଯାଇ ଦାବିପତ୍ର ଦେଇଛନ୍ତି ।
କଙ୍ଗନାଙ୍କ ଟ୍ବିଟରରେ ଅଶ୍ଳୀଳ ମନ୍ତବ୍ୟ, ଝାରସୁଗୁଡାରେ ବିଜେପି ରାଲି
କଙ୍ଗନା ନବରାତ୍ରି ସମୟରେ ଫେସବୁକରେ କିଛି ଫଟୋ ଛାଡ଼ିଥିବା ବେଳେ ମେହେନ୍ଦୀ ରେଜା ସେଥିରେ ଅଶ୍ଳୀଳ ଟିପ୍ପଣୀ କରିଥିଲେ । ତାଙ୍କର ଏଭଳି ଟିପ୍ପଣୀ ଯୋଗୁଁ ଅଭିନେତ୍ରୀଙ୍କ ଆତ୍ମସମ୍ମାନ ପ୍ରତି ଆଞ୍ଚ ଆସିବା ସହ ହିନ୍ଦୁ ଜନଭାବନା ପ୍ରତି ଆଘାତ ଲାଗିଛି ବୋଲି ବିଜେପି ପକ୍ଷରୁ କୁହାଯାଇଛି ।
ଏଣୁ ମେହେନ୍ଦୀ ରେଜାଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରାଯାଇଛି ।
ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ
