ଝାରସୁଗୁଡ଼ା: ଜିଲ୍ଲା ବ୍ରଜରାଜନଗର ଓରିଏଣ୍ଟ ଥାନା ଅନ୍ତର୍ଗତ କାଳୀନଗରରେ ଗୁଳିକାଣ୍ଡ । ପୂର୍ବତନ କାଉନସିଲରଙ୍କର ସ୍ୱାମୀ ସଞ୍ଜୟ ଗୁପ୍ତା ଓରଫ ଗୁଡୁଙ୍କ ଉପରକୁ ଗୁଳିମାଡ । ଜଣେ ଦୁର୍ବୃତ୍ତ ଗୁଡୁଙ୍କ ଉପରକୁ ଗୁଳି ଚଳାଇ ଫେରାର ହୋଇଯାଇଥିଲା । ଗୁରୁତର ଅବସ୍ଥାରେ ତାଙ୍କୁ ପ୍ରଥମେ ଝାରସୁଗୁଡ଼ା ଏବଂ ପରେ ବୁର୍ଲା ହସ୍ପିଟାଲକୁ ସ୍ଥାନାନ୍ତର କରାଯାଇଛି।
ସୂଚନାନୂଯାୟୀ, ସଂଜୟ ପ୍ରାତଃ ଭ୍ରମଣ ସାରି ଘରକୁ ଫେରିବା ସମୟରେ ତାଙ୍କ ଘର ପାଖରେ ଜଣେ ଦୁର୍ବୃତ୍ତ ବାଇକରେ ଆସି ସଞ୍ଜୟଙ୍କୁ ତାଙ୍କ ନାଁ ପଚାରିଥିଲା ଏହା ଜାଣିବା ପରେ ତାଙ୍କ ଉପରକୁ 3 ରାଉଣ୍ଡ ଗୁଳି ଚଳାଇ ଫେରାର ହୋଇଯାଇଥିଲା ।
ତେବେ ବ୍ୟବସାୟିକ ଦୃଷ୍ଟିରୁ ସଞ୍ଜୟଙ୍କ ଉପରକୁ ଏହି ଗୁଳିମାଡ ହୋଇଥିବା ପୋଲିସ ସନ୍ଦେହ କରୁଛି । ସଞ୍ଜୟଙ୍କର ପେଟରେ ଗୁଳି ବାଜିଥିବାବେଳେ ଘଟଣାସ୍ଥଳରେ ଗୋଟିଏ ଖୋକା ଚିହ୍ନଟ କରିଛି ପୋଲିସ। ବ୍ରଜରାଜନଗର ଏସଡ଼ିପିଓ ଏବଂ ବ୍ରଜରାଜନଗର ଆଇଆଇସି ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।
ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ
