ଝାରସୁଗୁଡା: ଜିଲ୍ଲାରେ ଚାଞ୍ଚଳ୍ୟ । ମହିଳାଙ୍କୁ ଗୁଳି କରି ହତ୍ୟା । ମୃତ ମହିଳା ନାମ କନକଲତା ରୋହିଦାସ ବୋଲି ଜଣାପଡିଛି ।
ଭିଡିଓ ସୌଜନ୍ୟ:ପ୍ରତିନିଧି, ଝାରସୁଗୁଡା
ମିଳିଥିବା ସୂଚନା ଅନୁଯାୟୀ, ଗତ ମଙ୍ଗଳବାର ରାତି ପ୍ରାୟ 2ଟା ସମୟରେ କନକଲତା ଘରୁ ବାହାରକୁ ଆସିଥିବା ବେଳେ କେହି ଜଣେ ଦୁର୍ବୃତ୍ତ ତାଙ୍କୁ ଗୁଳିମାରି ଫେରାର ହୋଇଯାଇଥିଲା। ବୁଧବାର ସକାଳୁ ଘର ଲୋକ କନକ ଲତାଙ୍କୁ ଏପରି ଅବସ୍ଥାରେ ଦେଖି ଝାରସୁଗୁଡା ଥାନାରେ ଏନେଇ ଅଭିଯୋଗ କରିଛନ୍ତି ।
ଖବର ପାଇ ଝାରସୁଗୁଡା ଥାନା ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ପୋଲିସ ସନ୍ଧାନୀ କୁକୁର ଓ ସାଇଣ୍ଟିଫିକ ଟିମ ସହାୟତାରେ ତଦନ୍ତ ଆରମ୍ଭ କରିଛି। ତେବେ କିଏ ଓ କାହିଁକି କନକଲତାଙ୍କୁ ଗୁଳିକରି ହତ୍ୟା କରିଛି ତାହା ଏପର୍ଯ୍ୟନ୍ତ ଅସ୍ପଷ୍ଟ ରହିଛି ।
ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ
