ଯାଜପୁର: ବ୍ୟାସନଗର ତହସିଲ ପକ୍ଷରୁ ଧନେଶ୍ୱର ପଞ୍ଚାୟତର ଡିଗୀ ସାହିର ୨୯ ଜଣ ଭୂମିହୀନଙ୍କୁ ପଟ୍ଟା ପ୍ରଦାନ କରାଯାଇଛି । ମଙ୍ଗଳବାର ବ୍ୟାସନଗର ତହସିଲଦାର ଶରତ କୁମାର ପାତ୍ରଙ୍କ ନେତୃତ୍ୱରେ ତହସିଲର ରାଜସ୍ୱ ସୁପରଭାଇଜର ଵିଷ୍ନୁ ଚରଣ ପଣ୍ଡାଙ୍କ ସମେତ କର୍ମଚାରୀ ମାନେ ଡିଗି ସାହିରେ ପହଞ୍ଚିଥିଲେ ।
ବ୍ୟାସନଗର ତହସିଲ ପକ୍ଷରୁ ୨୯ ଭୂମିହୀନଙ୍କୁ ପଟ୍ଟା ପ୍ରଦାନ
ଏଥିସହିତ ଏହି ଗାଁରେ ରହୁଥିବା ଭୂମିହୀନ ଗରିବ ଶ୍ରେଣୀର ୨୯ ଜଣ ଲୋକଙ୍କୁ ପଟ୍ଟା ପ୍ରଦାନ କରିଛନ୍ତି । ସୂଚନାନୁଯାୟୀ ଦୀର୍ଘ ବର୍ଷ ଧରି ଧନେଶ୍ବର ପଞ୍ଚାୟତ ଡିଗି ସାହି ବାସିନ୍ଦାଙ୍କର ଘର ପଟ୍ଟା ନଥିବାରୁ ସମସ୍ତ ସରକାରୀ କାର୍ଯ୍ୟକ୍ରମରୁ ବଞ୍ଚିତ ହୋଇ ରହୁଥିଲେ । ଯେଉଁଥିପାଇଁ କି ଅନେକ ସମୟ ଧରି ଖଣ୍ଡେ ଜମି ପଟ୍ଟା ପାଇଁ ବିଭିନ୍ନ ସରକାରୀ ଦପ୍ତରକୁ ଧାଇଁ ଧାଇଁ ନୟାନ୍ତ ହେଇ ପଡ଼ିଥିଲେ ୩୦ରୁ ଊର୍ଦ୍ଧ୍ବ ପରିବାର ।
ତେବେ ଦୀର୍ଘ ବର୍ଷ ପରେ ଗ୍ରାମବାସୀ ବସବାସ କରିବା ପାଇଁ ପଟ୍ଟା ଫେରି ପାଇଥିବାରୁ ତହସିଲଦାରଙ୍କ ସମେତ ବ୍ଲକ ପ୍ରଶାସନକୁ ଧନ୍ୟବାଦ ଜଣାଇଛନ୍ତି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
