କୋରେଇରୁ 40 ଅଣ୍ଡା ସହ ଦୁଇ ବିଷଧର ସାପ ଉଦ୍ଧାର

କୋରେଇ ବ୍ଲକ କଣ୍ଟାଝରିଗଡ ଅଞ୍ଚଳରୁ ଦୁଇ ବିଷଧର ସାପ ସହ 40 ଅଣ୍ଡା ଜବତ କଲା ସ୍ନେକ ହେଲ୍ପ ଲାଇନ ।

ଯାଜପୁର: କୋରେଇ ବ୍ଲକ କଣ୍ଟାଝରିଗଡ଼ ଅଞ୍ଚଳରୁ ଦୁଇଟି ବିଷଧର ସାପ ସହିତ 40 ଟି ଅଣ୍ଡା ଉଦ୍ଧାର କରାଯାଇଛି । ଏନେଇ ସ୍ନେକ ହେଲ୍ପ ଲାଇନ ଖବର ପାଇ ସାପ ଓ ଅଣ୍ଡାକୁ ଉଦ୍ଧାର କରିଥିଲା । ଗ୍ରାମର ବାଇଧର ନାଥଙ୍କ ବାଡ଼ିରେ ସାପ ଥିବା ଦେଖି ସ୍ନେକ ହେଲ୍ପ ଲାଇନ ସଦସ୍ୟଙ୍କୁ ଖବର ଦିଆଯାଇଥିଲା ।

ଖବର ପାଇ ମଣିଭଦ୍ର ମଳିକ ଏବଂ ସୁବାଶିଷ ସାହୁ ପହଞ୍ଚି ସାପ ଓ ଅଣ୍ଡାକୁ ଉଦ୍ଧାର କରିଛନ୍ତି । ଆଉ ଅଧିକ ସାପ ଥିବା ଅନୁମାନ କରି ଉଭୟ ସ୍ନେକ ହେଲ୍ପଲାଇନ ସଦସ୍ୟ ଖୋଜାଖୋଜି ଜାରି ରଖିଛନ୍ତି ।

ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ