ଯାଜପୁର: ଯାଜପୁର ଜିଲ୍ଲା ଚଣ୍ଡିଖୋଲ ଦେଇ ଯାଇଥିବା 16 ନଂ ଜାତୀୟ ରାଜପଥର ଚଣ୍ଡିଖୋଲ ସିନେମା ହଲ୍ ନିକଟରେ ମର୍ମଦୁଦ ସଡକ ଦୁର୍ଘଟଣା । ଜଣେ ଶ୍ରମିକଙ୍କ ଉପରେ ଟ୍ରକ ମାଡିଯିବାରୁ ଘଟଣାସ୍ଥଳରେ ସେ ପ୍ରାଣ ହରାଇଛନ୍ତି । ମୃତ ଯୁବକ ଜଣକର ପରିଚୟ ଏପର୍ଯ୍ୟନ୍ତ ମିଳିନଥିବା ବେଳେ ସେ ଜଣେ ଶ୍ରମଜୀବୀ ବୋଲି ପ୍ରାଥମିକ ଭାବେ ଅନୁମାନ କରାଯାଉଛି ।
ଟ୍ରକ ଧକ୍କାରେ ଶ୍ରମିକ ମୃତ
ଦୁର୍ଘଟଣା ଘଟାଇଥିବା ଟ୍ରକଟି କଲିକତା ଅଭିମୁଖେ ଯାଉଥିବା ସୂଚନା ମିଳିଛି । ଚଣ୍ଡିଖୋଲ ଫାଣ୍ଡି ପୋଲିସ୍ ଟ୍ରକଟିକୁ ଜବତ କରିବା ସହ ଚାଳକକୁ ଅଟକ ରଖିଛି । ସେହିପରି ମୃତଦେହରକୁ ବ୍ୟବଚ୍ଛେଦ ପାଇଁ ବଡଚଣା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ପଠାଇବା ସହ ଏ ସଂକ୍ରାନ୍ତରେ ଏକ ଅପମୃତ୍ୟ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି ପୋଲିସ ।
ଯାଜପୁରରୁ ଜ୍ଞାନ ରଞ୍ଜନ ଓଝା , ଇଟିଭି ଭାରତ
