ଯାଜପୁର: ମହାମାରୀ କୋରୋନାକୁ ନେଇ ଏବେ ଆତଙ୍କିତ ବିଶ୍ବବାସୀ । ଏହି କୋରୋନା ସଂକ୍ରମଣକୁ ରୋକିବାକୁ ସରକାର ଲକଡାଉନ ଘୋଷଣା କରିଥିଲେ । ତେବେ କୋରୋନା ଆକ୍ରାନ୍ତଙ୍କ ସଂଖ୍ୟା ଦିନକୁ ଦିନ ବୃଦ୍ଧି ପାଉଥିବା ବେଳେ ଏନେଇ କୋରୋନା କଟକଣାକୁ କଡାକଡି କରଦିଆଯାଇଛି । ରାଜ୍ୟରେ ଚତୁର୍ଥ କୋରୋନା ପଜିଟିଭ ଭଦ୍ରକରୁ ଚିହ୍ନଟ ହେବା ପରେ ଯାଜପୁର ସୀମା ସିଲ କଲେ ଜିଲ୍ଲା ପ୍ରଶାସନ । ଦିଲ୍ଲୀ ନିଜାମୁଦ୍ଦିନ ସମାବେଶରେ ଯୋଗ ଦେଇଥିବା ଯାଜପୁରରୁ 2 ଜଣ ବ୍ୟକ୍ତି ଚିହ୍ନଟ ହେବା ପରେ କୋରୋନା କଟକଣାକୁ ପ୍ରଶାସନ କଡାକଡି କରଛନ୍ତି ।
ପୂର୍ବରୁ ବିଭିନ୍ନ ଛକ ବଜାରରେ ଚେକିଂ କରାଯାଉଥିବା ବେଳେ ଏବେ ଜିଲ୍ଲାର ସୀମାକୁ ବନ୍ଦ କରି ଦିଆଯାଇଛି । ଯାଜପୁରର ପଡୋଶୀ ଜିଲା ଭଦ୍ରକ, କେନ୍ଦ୍ରାପଡା, କେନ୍ଦୁଝର, କଟକ ପଟୁ ଯାଜପୁର ଜିଲ୍ଲାର ସମସ୍ତ ପ୍ରବେଶ ପଥକୁ ବନ୍ଦ କରାଯାଇଥିବା ବେଳେ ଏବେ ଜିଲ୍ଲା ବାହାରୁ ଆସୁଥିବା ପ୍ରତ୍ୟେକ ବ୍ୟକ୍ତିଙ୍କ ଉପରେ କଟକଣା ଜାରି କରାଯାଇଛି । ଏହି କଟକଣାକୁ ନେଇ ଯାଜପୁର ବାସୀ ନିଜର ଖୁସି ବ୍ୟକ୍ତ କରିବା ସହ ପ୍ରଶାସନକୁ ସହୋଯାଗ କରୁଛନ୍ତି । ଏବେ ଓଡ଼ିଶାରେ ସର୍ବମୋଟ 5 କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
