ଯାଜପୁର: ଜିଲ୍ଲାରେ ବାତ୍ୟା 'ୟସ'ର ପ୍ରଭାବ। ବର୍ଷା ସାଙ୍ଗକୁ ବହୁ ଜୋରରେ ହୋଇଥିଲା ପବନ, ଫଳରେ ତଳିଆ ଅଞ୍ଚଳର ବିଭିନ୍ନ ସ୍ଥାନରେ ବଡ଼ ବଡ଼ ଗଛ ଉପୁଡି ପଡି ଘର ଉପରେ ପଡିଛି । ଫଳରେ ଅଧିକାଂଶ ଲୋକେ ବାସହୀନ ହୋଇ ଅସୁବିଧା ଭୋଗୁଛନ୍ତି । ଏମିତିକି କିଛି କିଛି ସ୍ଥାନରେ ବିଦ୍ୟୁତ ଖୁଣ୍ଟ ଉପୁଡି ପଡିଛି । ଫଳରେ ଗାଁରେ ବିଦ୍ୟୁତ ସେବା ବ୍ୟାହତ ହୋଇଥିଲା ।
ଅନ୍ୟପଟେ ରାସ୍ତା ଓ ଘର ଉପରେ ପଡିଥିବା ଗଛ ଗୁଡିକୁ ଏନଡିଆରଏଫ ଟିମ ପକ୍ଷରୁ କଟା ଚାଲିଛି । ଫଳରେ ଯାନବାହନ ଯାତାୟାତ ସୁବିଧାରେ ହୋଇପାରିଥିଲା । ଏଯାବତ ମଧ୍ୟ ଘଟଣାସ୍ଥଳରେ ଉଦ୍ଧାରକାର୍ଯ୍ୟ ଜାରି ରହିଛି ।
ଯାଜପୁର ଦଶରଥପୁରରେ ଏହିପରି ଥିଲା ବାତ୍ୟାର ପରବର୍ତ୍ତୀ ଦୃଶ୍ୟ
ସେପଟେ, ଜିଲ୍ଲାର ଦଶରଥପୁର ଅହିଆସ ଅଞ୍ଚଳରୁ ଏକ କଚ୍ଚା ଘର ଭିତରେ ଫସି ରହିଥିବା ଜଣେ ମହିଳାଙ୍କ ସହ 6 ମାସର ଶିଶୁକୁ ଉଦ୍ଧାର କରାଯାଇଛି । ମା' ଓ ଶିଶୁ ସମ୍ପୂର୍ଣ୍ଣ ସୁସ୍ଥ ଅଛନ୍ତି । ପାଣି ଘେରରେ ଫସି ରହିଥିବା ଗ୍ରାମବାସୀଙ୍କୁ ମଧ୍ୟ ଏନଡିଆରଏଫ ଟିମ ପକ୍ଷରୁ ଉଦ୍ଧାର କରାଯାଇଥିଲା ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
