ଯାଜପୁର: ଦୀର୍ଘଦିନ ପରେ ଗ୍ରୀଷ୍ମ ଅବକାଶ ଛୁଟି ସରିବା ପରେ ଆଜି ରାଜ୍ୟର ସମସ୍ତ ସ୍କୁଲ ଖୋଲିଲା । ଛୁଟି ପରେ ସ୍କୁଲ ଖୋଲିବା ନେଇ ଉଭୟ ଛାତ୍ରଛାତ୍ରୀ ଓ ଅଭିଭାବକ ମାନଙ୍କ ମଧ୍ୟରେ ଉତ୍ସାହ ଦେଖାଦେଇଥିଲା । ଯାଜପୁର ଜିଲାର ସମସ୍ତ ସରକାରୀ ଓ ବେସରକାରୀ ସ୍କୁଲ ଗୁଡିକ ଖୋଲିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଯାଜପୁର
ତେବେ ଆଜି ଜିଲ୍ଲାରେ ପ୍ରତିକୂଳ ପାଗ ସତ୍ତ୍ବେ ଅଭିଭାବକମାନେ ସେମାନଙ୍କ ପିଲା ମାନଙ୍କୁ ସ୍କୁଲକୁ ଛାଡିବାକୁ ଯାଇଥିଲେ । ଦୀର୍ଘ ଦିନ ଧରି ସାଙ୍ଗସାଥୀ ମାନଙ୍କ ସହିତ ସାକ୍ଷାତ ହୋଇ ନଥିବାରୁ ଛାତ୍ରଛାତ୍ରୀ ମାନେ ଅତି ଉତ୍କଣ୍ଠାର ସହିତ ଆଜିର ଦିନକୁ ଅପେକ୍ଷା କରିଥିଲେ । ତେବେ ସ୍କୁଲ ଖରାଛୁଟି ପରେ ଖୋଲିବା ନେଇ ଛାତ୍ରଛାତ୍ରୀ ମାନେ ମଧ୍ୟ ଖୁସିବ୍ୟକ୍ତ କରିଛନ୍ତି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
