ଯାଜପୁର: ସାରୋଇ ଗାଁରେ ସୂଚନାଧିକାର କର୍ମୀଙ୍କ ନାଁରେ ମହିଳାଙ୍କୁ ଅସଦାଚରଣ ମାମଲା । ସଠିକ ତଦନ୍ତ ପାଇଁ ପାଣିକୋଇଲିରେ ଏସପିଙ୍କ ଦ୍ୱାରସ୍ଥ ହେଲେ ସୂଚନାଧିକାର କର୍ମୀ ସର୍ବେଶ୍ୱର ବେହୁରା l ସୂଚନା ମୁତାବକ ଗତ 10 ତାରିଖରେ ଧର୍ମଶାଳା ଥାନା ସାରୋଇ ଗାଁରେ ଜୈନିକା ମହିଳାଙ୍କୁ ସେହି ଗାଁର ସୂଚନାଧିକାର କର୍ମୀ ସର୍ବେଶ୍ୱର ବେହୁରା ଅସଦାଚରଣ କରିଥିଲେ । ଏନେଇ ଗତ 11 ତାରିଖରେ ଧର୍ମଶାଳା ଥାନାରେ ସେ ଅଭିଯୋଗ କରିଥିଲେ l ଯାହାଫଳରେ ଧର୍ମଶାଳା ପୋଲିସ ସୂଚନାଧିକାର କର୍ମୀଙ୍କୁ ଅନେକ ସମୟରେ ଗିରଫ ପାଇଁ ଖୋଜାଖୋଜି କରୁଛି l
ତେବେ ଏହି ଘଟଣାଟି ସମ୍ପୂର୍ଣ୍ଣ ମିଥ୍ୟ, ସେଠିକାର ପାହାଡ଼ ଫଟେଇ ଚୋରା ବେପାର କରୁଥିବା ବ୍ୟକ୍ତି ମାନେ ତାଙ୍କୁ ଫସେଇବା ପାଇଁ ଏଭଳି କାଣ୍ଡ ଭିଆଇ ଥିବା ଅଭିଯୋଗ କରିଛନ୍ତି ସୂଚନାଅଧିକାର କର୍ମୀ l ତେବେ ଏହି ଘଟଣାର ସଠିକ ତଦନ୍ତ ଦାବିରେ ଗତକାଲି ସୂଚନାଅଧିକାର ସଂଗଠନର ରାଜ୍ୟ ଆବାହକ ପ୍ରଦୀପ ପ୍ରଧାନଙ୍କ ନେତୃତ୍ୱରେ ଏକ 3 ଟିମ ପାଣିକୋଇଲି ସ୍ଥିତ ପୋଲିସ ମୁଖ୍ୟାଳୟରେ ଏସପି ରାହୁଲ ପିଆରଙ୍କୁ ଭେଟି ଏକ ଦାବିପତ୍ର ପ୍ରଦାନ କରିଛନ୍ତି l ସେପଟେ ଘଟଣାର ତଦନ୍ତ ପରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ଏସପିଙ୍କ କାର୍ଯ୍ୟାଳୟରୁ ସୂଚନା ମିଳିଛି l
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
