ଯାଜପୁର : କାଠ ବୋଝେଇ ଟ୍ରାକ୍ଟର ଓଲଟି ବନ କର୍ମଚାରୀଙ୍କ ମୃତ୍ୟୁ ହୋଇଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ସୂଚନା ଅନୁଯାୟୀ ସୁକିନ୍ଦା ବନବିଭାଗର କର୍ମଚାରୀମାନେ ପାଟପୁର ଜଙ୍ଗଲରୁ ଚୋରା କାଠକୁ ଜବତ କରି ସୁକିନ୍ଦା ବନ ବିଭାଗ କାର୍ଯ୍ୟାଳୟକୁ ଆଣୁଥିଲେ । ହେଲେ ରାସ୍ତାରେ ଟ୍ରାକ୍ଟରଟି ଓଲଟି ଯାଇଥିଲା । ଫଳରେ ଟ୍ରାକ୍ଟର ଚଳାଉ ଥିବା ବନବିଭାଗ କର୍ମଚାରୀ ଶମ୍ଭୁନାଥ ମହାନ୍ତଙ୍କର ଘଟଣାସ୍ଥଳରେ ମୃତ୍ୟୁ ହୋଇଛି ।
କାଠ ବୋଝେଇ ଟ୍ରାକ୍ଟର ଓଲଟି ବନ କର୍ମଚାରୀଙ୍କ ମୃତ୍ୟୁ
ତେବେ,ଏଠି ପ୍ରଶ୍ନ ଉଠୁଛି ଟ୍ରାକ୍ଟର ଚଲେଇବା ପାଇଁ କୌଣସି ଡ୍ରାଇଭରକୁ କଣ ପାଇଁ ସାଙ୍ଗରେ ନେଇନଥିଲେ ସୁକିନ୍ଦା ରେଞ୍ଜର । ଜଣେ ବନବିଭାଗ ସ୍କ୍ୱାର୍ଡ କେଉଁ ପରିସ୍ଥିତିରେ ଟ୍ରାକ୍ଟର ଚଲେଇବାକୁ ଅନୁମତି ଦିଆଯାଇଥିଲା । ଏନେଇ ବନବିଭାଗ କର୍ମଚାରୀଙ୍କ ପ୍ରତିକ୍ରିୟା ନେବାକୁ ଚେଷ୍ଟା କରାଯାଇଥିଲା । ହେଲେ ସୁକିନ୍ଦା ବନ ବିଭାଗର କୌଣସି କର୍ମଚାରୀ କ୍ୟାମେରା ସାମ୍ନାରେ ପ୍ରତିକ୍ରିୟା ଦେଇ ନଥିଲେ ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
