ଯାଜପୁର: ଗଛରେ ବାଇକ ପିଟି ହୋଇ ରିଜର୍ଭ ପୋଲିସର କର୍ମଚାରୀ ମୃତ, ଜଣେ ଗୁରୁତର । ଯାଜପୁର ଜିଲ୍ଲା ପାଣିକୋଇଲି ଥାନା ଧନପୁର ଛକ ନିକଟରେ ଗଛରେ ବାଇକ ପିଟି ହୋଇ ରିଜର୍ଭ ପୋଲିସର କର୍ମଚାରୀ ମୃତ୍ୟୁ ହୋଇଥିବାବେଳେ ଜଣେ ଗୁରୁତର ହୋଇଛନ୍ତି । ଗୁରୁତର ଆହତଙ୍କୁ ଚିକିତ୍ସା ପାଇଁ ଯାଜପୁର ଟାଉନ ବଡ ମେଡ଼ିକାଲକୁ ଭର୍ତ୍ତି କରାଯାଇଛି ।
ସୂଚନା ମୁତାବକ ଆଜି ଅପରାହ୍ନରେ ରିଜର୍ଭ ପୋଲିସ କର୍ମଚାରୀ ସମୀର ପ୍ରଧାନ ଓ ଟମକା ଥାନା ପୋଲିସ କର୍ମଚାରୀ ପ୍ରଭାତ ଅମାନ୍ତ ପାଣିକୋଇଲିରୁ ଏକ ମଟର ସାଇକେଲରେ ଆସୁଥିଲେ । ଧନପୁର ଛକରେ ଭାରସାମ୍ୟ ହରାଇ ରାସ୍ତା କଡରେ ଥିବା ଏକ ଗଛରେ ଦ୍ରୁତଗତିରେ ବାଇକ ଧକ୍କା ଦେଇଥିଲେ। ଫଳରେ ଘଟଣାସ୍ଥଳରେ ରିଜର୍ଭ ପୋଲିସ କର୍ମଚାରୀ ସମୀର ପ୍ରଧାନଙ୍କର ମୃତ୍ୟୁ ହୋଇଥିବାବେଳେ ପ୍ରଭାତ ଅମାନ୍ତ ଗୁରୁତର ଆହତ ହୋଇଥିଲେ।
ତେବେ ପାଣିକୋଇଲି ପୋଲିସ ଖବର ପାଇ ଘଟଣାସ୍ଥଳରେ ପହଞ୍ଚି ମୃତ୍ୟୁ ବ୍ୟକ୍ତିଙ୍କୁ ମୃତଦେହ ବ୍ୟବଚ୍ଛେଦ ପାଇଁ ପଠାଇବା ସହ ଗୁରୁତର ଆହତଙ୍କୁ ଚିକିତ୍ସା ଆମ୍ବୁଲାନ୍ସ ଯୋଗେ ପାଇଁ ଯାଜପୁର ଟାଉନ ବଡ଼ ମେଡିକାଲକୁ ପଠାଇଛନ୍ତି ।
ଯାଜପୁରରୁ ଜ୍ଞାନ ରଞ୍ଜନ ଓଝା,ଇଟିଭି ଭାରତ
