ଯାଜପୁର: ଉଦ୍ଧାର ହୋଇଥିବା ମୃତ ଯୁବକର ପରିଚୟ ଖୋଜୁଛି ପୋଲିସ । ଗତ 9 ତାରିଖରେ ଯାଜପୁର ଜିଲ୍ଲା ମଙ୍ଗଳପୁର ଥାନା ଅନ୍ତର୍ଗତ କାଣୀ ନଦୀ କୂଳରେ ଏକ ଅଚିହ୍ନା ଯୁବକର ମୃତଦେହକୁ ଉଦ୍ଧାର କରାଯାଇଥିଲା । ସେପଟେ, ଘଟଣା ବିଷୟରେ ସ୍ଥାନୀୟ ଲୋକେ ପୋଲିସକୁ ଖବର ଦେବା ପରେ ପୋଲିସ ମୃତଦେହକୁ ଉଦ୍ଧାର କରି ଶବ ବ୍ୟବଚ୍ଛେଦ ପାଇଁ ପଠାଇଛି । ଏହାସହ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି ।
4 ଦିନ ପରେ ମିଳୁନି ମୃତ ଯୁବକର ପରିଚୟ
ଅନ୍ୟପଟେ, ମୃତଦେହକୁ ଉଦ୍ଧାର କରାଯିବାର 4ଦିନ ପରେ ମଧ୍ୟ ପୋଲିସକୁ ମୃତ ଯୁବକର ପରିଚୟ ମିଳିପାରି ନାହିଁ । ଫଳରେ ମୃତଦେହକୁ ସୁରକ୍ଷିତ ରଖିଛି । ସେପଟେ, ଯଦି କୌଣସି ବ୍ୟକ୍ତି ମୃତଦେହ ସମ୍ପର୍କରେ ଖବର ପାଆନ୍ତି, ତେବେ ତୁରନ୍ତ ପୋଲିସକୁ ଖବର ଦେବାକୁ ଅନୁରୋଧ କରାଯାଇଛି ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
