ଯାଜପୁର: ଜିଲ୍ଲା ଧର୍ମଶାଳା ପୋଲିସ ଦ୍ବାରା 4 ଆନ୍ତରାଜ୍ୟ ଡକାୟତ ଗିରଫ । ଡକାୟତଙ୍କଠାରୁ ବନ୍ଧୁକ ଓ ମାରଣାସ୍ତ୍ର ଜବତ କରିଛି ପୋଲିସ । ତେବେ ଶୁକ୍ରବାର ରାତିରେ ଜାରକା ଅଞ୍ଚଳରେ ଏକ ବଡ ଧରଣର ଡକାୟତ ପାଇଁ ନିକଟସ୍ଥ ଦେଉଳି ପାହାଡରେ ଯୋଜନା ପ୍ରସ୍ତୁତ ହେଉଥିବା ବେଳେ ଖବର ପାଇ ପୋଲିସ ଉକ୍ତ ଡକାୟତଙ୍କୁ ଗିରଫ କରିଛି।
ଭିଡିଓ ସୌଜନ୍ୟ: ସମ୍ବାଦଦାତା ଯାଜପୁର
ସେମାନଙ୍କ ନିକଟରୁ ପୋଲିସ ଏକ ଦେଶୀ ପିସ୍ତଲ 5ଟି ଜୀବନ୍ତ ଗୁଳି, ଭୁଜାଲି, ରଡ଼ ଆଦି ମାରଣାସ୍ତ୍ର ସହିତ 4ଟି ବାଇକ ଜବତ କରିଛି । ତେବେ ରାଜ୍ୟ ଓ ରାଜ୍ୟ ବାହାରେ ବିଭିନ୍ନ ଡକାୟତି,ରାହାଜନୀ ଓ ହତ୍ୟାମାମଲାରେ ଏମାନଙ୍କ ସମ୍ପୃକ୍ତି ରହିଥିବା ପୋଲିସ ତଦନ୍ତରୁ ଜଣାପଡିଛି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
