ଭୁବନେଶ୍ବର: ଜନ୍ମ ମାଟିରେ ପହଞ୍ଚିଲା ଓଡ଼ିଆ ଶହୀଦ ଯବାନ ପ୍ରବୀର ନାୟକଙ୍କ ପାର୍ଥୀବ ଶରୀର । ହେଲେ ମିଳିଲାନି ସମ୍ମାନ । ଏ ନେଇ ଶହୀଦଙ୍କ ପରିବାର ପକ୍ଷରୁ କ୍ଷୋଭ ପ୍ରକାଶ ପାଇଛି । ଏପଟେ ପୋଲିସ ପ୍ରଶାସନ ପହଞ୍ଚି ପରିବାର ଲୋକଙ୍କ ସହ ଆଲେଚନା କରିଛି ।
ଯାଜପୁର କଚେରୀ ଗାଁର ଦିବାକର ନାୟକଙ୍କ ୪ର୍ଥ ପୁଅ ପ୍ରବୀର । ଆସାମ ରାଇଫଲର ଅଷ୍ଟମ ବାଟାଲିଅନରେ ପ୍ରବୀର ଗନମ୍ୟାନ ଭାବେ କାର୍ଯ୍ୟରତ ଥିଲେ ।
ମିଜୋରାମର ସରଚିପ ଜିଲ୍ଲାରେ ଚୀନ ସୀମାରେ ପ୍ରହରା ଦେଉଥିବା ସମୟରେ ଅତ୍ୟଧିକ ଥଣ୍ଡା ଯୋଗୁଁ ହୃଦଘାତରେ ସେ ପ୍ରାଣ ହରାଇଥିଲେ । ଫଳରେ କାର୍ଯ୍ୟରତ ଅବସ୍ଥାରେ ତାଙ୍କର ଦେହାନ୍ତ ହୋଇଥିଲା ।
ପ୍ରବୀରଙ୍କ 3 ଭାଇ ଥିବାବେଳେ ସମସ୍ତେ ଦେଶ ସେବାରେ ନିୟୋଜିତ । ତାଙ୍କ ପତ୍ନୀ ଦୀପ୍ତିକା ନାୟକ ଓ ତାଙ୍କର ଦୁଇଟି କୁନି ଝିଅ ଅଛନ୍ତି ।
ପ୍ରକାଶ ଯେ, ଶହୀଦଙ୍କୁ ସମ୍ମାନ ଦେବାରେ ଅବହେଳା ଅଭିଯୋଗ ହୋଇଛି । ଆଜି ଭୁବନେଶ୍ବର ବିମାନ ବନ୍ଦରରେ ଘଂଟା ଘଂଟା ଧରି ତାଙ୍କ ମର ଶରୀର ପଡି ଥିବା ତାଙ୍କ ଭାଇ ଅଭିଯୋଗ କରିଛନ୍ତି । ଏପରିକି ଗାର୍ଡ ଅଫ ଅନର୍ ଦିଆନଯିବାକୁ ନେଇ କ୍ଷୋଭ ପ୍ରକାଶ କଲେ ପରିବାର ସଦସ୍ୟ ।
ତେବେ ଅପରାହ୍ଣରେ ତାଙ୍କ ପାର୍ଥୀବ ଶରୀର ଗାଁରେ ପହଞ୍ଚିଛି ।
ଯାଜପୁରରୁ ଜ୍ଞାନ ରଞ୍ଜନ ଓଝା ଓ ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
