ଯାଜପୁର: ଖଇରାବାଦ ସମବାୟ ସେବା ସମିତି ରେ ବ୍ୟାପକ ଅନିୟମିତତା ହୋଇଥିବା ଅଭିଯୋଗ ହୋଇଛି । ସମିତିର ଅନେକ ଚାଷୀଙ୍କର ଋଣ ଛାଡ ହୋଇଥିଲେ ମଧ୍ୟ ସେମାନଙ୍କୁ ଆଜି ପର୍ଯ୍ୟନ୍ତ ସେମାନଙ୍କର ପ୍ରାପ୍ୟ ମିଳିପାରିନାହିଁ ।
ସେହିପରି ଆଗାମୀ ବର୍ଷ ପାଇଁ ଚାଷୀ ମାନଙ୍କ ପଞ୍ଜିକରଣ କରିବାର ନିୟମ ରହିଛି । ସମବାୟ ସମିତି କର୍ତୁପକ୍ଷ ଚାଷୀ ମାନଙ୍କୁ ନାନା ହଇରାଣ ହରକତ କରୁଥିବା ଅଭିଯୋଗ ହୋଇଛି । ସମିତିର ଚାଷୀ ମାନଙ୍କୁ ଦଳୀୟ ଭିତିରେ ହଇରାଣ ହରକତ କରାଯାଉଥିବା ଅଭିଯୋଗ ହୋଇଛି । ଏଥିସହିତ ଖିଲାପକାରୀ ଚାଷୀ ମାନଙ୍କୁ ଆଗାମୀ ସମବାୟ ନିର୍ବାଚନରୁ ବାଦ ଦେବା ପାଇଁ ଏହା ଏକ ଚକ୍ରାନ୍ତ ବୋଲି ମଧ୍ୟ ଅଭିଯୋଗ ହୋଇଛି ।
ଏ ନେଇ ଜିଲ୍ଲାପ୍ରଶାସନ ନିକଟରେ ଚାଷୀ ମାନେ ଅଭିଯୋଗ କରିବା ପରେ ଏହାର ତଦନ୍ତ ମଧ୍ୟ ଆରମ୍ଭ ହୋଇଛି । କେତେକ ଚାଷୀଙ୍କର ବ୍ୟାଙ୍କ ଖାତା ନମ୍ବର ମିସ୍ ମ୍ୟାଚ ପାଇଁ ଏଭଳି ସମସ୍ୟା ଦେଖାଦେଇଛି । ଚାଷୀ ମାନଙ୍କର ସମସ୍ୟା ଖୁବ ଶୀଘ୍ର ଦୂର ହେବ ବୋଲି ସମବାୟ ସମିତିର ସଂପାଦକ ସଫେଇ ଦେଇଛନ୍ତି । ଦଳୀୟ ଭିତିରେ ଚାଷୀ ମାନଙ୍କୁ ହଇରାଣ କରାଯାଉଥିବା ଅଭିଯୋଗକୁ ମଧ୍ୟ ସେ ଖଣ୍ଡନ କରିଛନ୍ତି ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
