ଦେଶୀ ମଦ ଜବତ, ଦୁଇ ଗିରଫ

ରାଜ୍ୟରେ ଦିନକୁ ଦିନ ବଢିବାରେ ଲାଗିଛି ନିଶା କାରବାର । 100 ଲିଟର ଦେଶୀ ମଦ ଜବତ । 2 ଅଭିଯୁକ୍ତଙ୍କୁ ଗିରଫ କରିଛି ପୋଲିସ । ଅଧିକ ପଢନ୍ତୁ....

ଯାଜପୁର : ରାଜ୍ୟରେ ଦିନକୁ ଦିନ ବଢିବାରେ ଲାଗିଛି ନିଶା କାରବାର । 100 ଲିଟର ଦେଶୀ ମଦ ଜବତ କରିଛି ସୁକିନ୍ଦା ପୋଲିସ । ଏନେଇ ଦୁଇ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି । ସୂଚନା ଅନୁଯାୟୀ, ଆଜି ଭୋର ସମୟରେ ସୁକିନ୍ଦା ପୋଲିସ ବଇରୀମାଳ ଅଞ୍ଚଳରେ ଚଢ଼ାଉ କରିଥିଲା ।

ଏହି ଚଢ଼ାଉରେ 100 ଲିଟର ଦେଶୀ ମଦ ଜବତ କରିବା ସହିତ ଦୁଇଟି ବାଇକ ଜବତ କରି ଦୁଇ ଜଣ ମଦ ବେପାରୀଙ୍କୁ ଗିରଫ କରିଛି । ଗିରଫ ହୋଇଥିବା ଦୁଇ ଅଭିଯୁକ୍ତ ଭୁବନ ଥାନା ଅନ୍ତର୍ଗତ ଏକତାଳିର ମଣ୍ଡୁ ମଲିକ ଓ ସୁକିନ୍ଦା କନ୍ତିରାର ମଙ୍ଗୁଳି ବେହେରା ବୋଲି ଜଣାପଡିଛି ।

ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ