ଯାଜପୁର: ଆଜି ସାରା ରାଜ୍ୟରେ ଚାଲିଛି ପଞ୍ଚାୟତ ସମିତିର ଅଧ୍ୟକ୍ଷା ପଦବୀ ପାଇଁ ନିର୍ବାଚନ । ବିଭିନ୍ନ ରାଜନୈତିକ ଦଳର ପ୍ରାର୍ଥୀମାନେ ସମିତି ଅଧ୍ୟକ୍ଷା ପଦବୀ ହାସଲ ପାଇ ଲଗାଇଛନ୍ତି ଅନେକ ଶକ୍ତି । ତେବେ ଯାଜପୁର ଜିଲ୍ଲା କୋରେଇ ବ୍ଲକ ଅଧ୍ୟକ୍ଷା ପଦବୀ ପାଇଁ ବିଜେଡି ସମର୍ଥିତ ପ୍ରାର୍ଥିନୀ ଭାବେ ନାମାଙ୍କନପତ୍ର ଦାଖଲ କଲେ ଜୟନ୍ତୀ ଦଳେଇ। ଆଜି ଏହି ପରିପ୍ରେକ୍ଷୀରେ କୋରେଇ ବ୍ଲକରେ ସକାଳ ୧୧.୩୦ରୁ ଅଧ୍ୟକ୍ଷା ପଦବୀ ପାଇଁ ନାମାଙ୍କନ ପତ୍ର ଦାଖଲ ପ୍ରକ୍ରିୟା ଆରମ୍ଭ ହେଇଛି।
ତେବେ ଦିନ ୨ ଟା ସମୟ ପର୍ଯ୍ୟନ୍ତ ହେବାକୁ ଥିବା ନାମାଙ୍କନ ପତ୍ର ଦାଖଲ କାର୍ଯ୍ୟକ୍ରମରେ କେବଳ ବିଜେଡି ସମର୍ଥିତ ଖମଣ ପଞ୍ଚାୟତର ସମିତି ସଭ୍ୟା ଜୟନ୍ତୀ ଦେଳେଇ ଏକ ମାତ୍ର ପ୍ରାର୍ଥୀପତ୍ର ଦାଖଲ କରିଥିବା ସୂଚନା ମିଳିଛି। ତେବେ ଏକ ବିଶେଷ ସୁତ୍ରରୁ ଜାଣିବାକୁ ମିଳିଛି ଯେ ଅନ୍ୟ ଦୁଇ ପ୍ରମୁଖ ଦଳ କଂଗ୍ରେସ ଓ ବିଜେପି କୌଣସି ପ୍ରାର୍ଥୀ ଦେବନାହିଁ ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
