ଯାଜପୁର: ଯାଜପୁର ରୋଡ ଅବକାରୀ ବିଭାଗର ଚଢାଉ । ୮୦୫ ଲିଟର ମଦ ଜବତ ସହ ୧୬ ଜଣ ଗିରଫ । ରଗଡି, ବ୍ୟାସନଗର ଓ କୋରେଇ ବ୍ଲକର ବିଭିନ୍ନ ଅଞ୍ଚଳରେ ବିପୁଳ ପରିମାଣର ଦେଶୀ କାରବାର ହେଉଥିବା ଜିଲ୍ଲା ଅବକାରୀ ଅଧିକ୍ଷକ ଦେବୀ ପ୍ରସାଦ ଦାସ ବିଶେଷ ସୁତ୍ରରୁ ଖବର ପାଇଥିଲେ । ଏନେଇ ନିର୍ଦ୍ଦେଶ ଦେବା ପରେ ଅବକାରୀ ବିଭାଗ ଚଢାଉ କରି ୮୦୫ ଲିଟର ଦେଶୀ ମଦ ସହ ୧୧ଟି ବାଇକ ଜବତ କରି ୧୬ ଜଣଙ୍କୁ ଗିରଫ କରିଥିଲା ।
ଅବକାରୀ ବିଭାଗ ଚଢ଼ାଉରେ ୮୦୫ ଲିଟର ଦେଶୀ ମଦ ଜବତ, ୧୬ ଗିରଫ
ଏହି ଚଢାଉରେ ଅବକାରୀ ନିରୀକ୍ଷକ ସ୍ୱପ୍ନାରାଣୀ ସାହୁ ନେତୃତ୍ୱରେ ଯାଜପୁର ରୋଡ ଅବକାରୀ ଅଧିକାରୀ ପ୍ରଶାନ୍ତ କୁମାର ମହାନ୍ତି ଓ ତାଙ୍କ ଟିମି ରଗଡି, ଶୋବରା,ଧବଳଗିରି, ମୁଣ୍ଡମାଳ, ବଳଦିଆ ଆଦି ଅଞ୍ଚଳ ଚଢ଼ାଉ କରି ମଟର ସାଇକେଲରେ ନେଇ ଯାଉଥିବା ଦେଶୀ ମଦ ବେପାରୀଙ୍କୁ ଗିରଫ କରିବାରେ ସଫଳ ହୋଇଥିଲେ। ।
ତେବେ ଆଜି ଏହି ଦେଶୀ ମଦ ବେପାରୀଙ୍କୁ କୋର୍ଟ ଚାଲାଣ କରାଯାଇଥିବା ଯାଜପୁର ରୋଡ ଅବକାରୀ ଅଧିକାରୀ ଶ୍ରୀ ମହାନ୍ତି ସୂଚନା ଦେଇଛନ୍ତି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
