ଯାଜପୁର: ଶନିବାର ବଡଚଣା ପୋଲିସ ମଙ୍ଗରାଜପୁର ଗ୍ରାମ ଧାନ ବିଲ କାଦୁଅ ମଧ୍ୟରୁ ବିପୁଳ ପରିମାଣର ଦେଶୀ ମଦ ଜବତ କରିଛି । ଏଠାରେ ଏତେ ପରିମାଣର ମଦ ଲୁଚାଇ ରଖିଥିବା ବ୍ୟକ୍ତିକୁ ପୋଲିସ ଧରିବା ପାଇଁ ତଦନ୍ତ ଆରମ୍ଭ କରିଥିବା ଜଣାପଡିଛି ।
ଧାନ ବିଲ କାଦୁଅରୁ ବିପୁଳ ପରିମାଣର ମଦ ଜବତ
ବଡଚଣା ଥାନା ଅନ୍ତର୍ଗତ ସିହା ପଞ୍ଚାୟତ ମଙ୍ଗରାଜପୁର ଗ୍ରାମରେ ଧାନ ବିଲ କାଦୁଅ ମଧ୍ୟରେ ଦେଶୀମଦ ଲୁଚାଇ ରଖିଥିବାର ସଂପର୍କରେ କୌଣସି ସୂତ୍ରରୁ ପୋଲିସ ଖବର ପାଇଥିଲା । ଥାନା ଅଧିକାରୀ ପ୍ରିୟବ୍ରତ ରାଉତଙ୍କ ନେତୃତ୍ବରେ ଏକ ଟିମ ଚଢାଉ କରି ଦେଶୀ ମଦ ଭର୍ତ୍ତି 11ଟି ବ୍ୟାରେଲ ଜବତ କରିଛି। ଏହି 11ଟି ବ୍ୟାରେଲ ମଧ୍ୟରେ ପ୍ରାୟ 440ଲିଟର ଦେଶୀ ମଦ ଥିବା ପୋଲିସ ସୂଚନା ଦେଇଛି ।
ତେବେ ଏତେ ପରିମାଣରେ ଦେଶୀ ମଦ କିଏ ରଖିଥିଲା ଏବଂ କେଉଁଠାରୁ ଏହା ଆସିଥିଲା ଏ ସଂପର୍କରେ ପୋଲିସ ତନାଘନା ଆରମ୍ଭ କରିଥିବା ଜଣାପଡିଛି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
