ଯାଜପୁର: କୋରେଇ ବ୍ଳକ ସାଦକପୁର ପଞ୍ଚାୟତ ସୁବେଦାର ମହଲ୍ଲୀ ସାହିବସ୍ତିରେ ଅଭାବନୀୟ ଘଟଣା । ପୋଖରୀରେ ବୁଡି ଯୁବକଙ୍କର ମୃତ୍ୟୁ ଘଟିଛି । ମୃତ ଯୁବକ ମଙ୍ଗୁଲୁ ମୁଣ୍ଡା ପାଣିକୋଇଲି ଥାନା ବେଙ୍ଗସାହି ଅଞ୍ଚଳର ବୋଲି ଜଣାପଡିଛି ।
ସୂଚନା ମୁତାବକ କୌଣସି ଏକ କାମରେ ମଙ୍ଗୁଲୁ ପୋଖରୀ ବାଟ ଦେଇ ଯାଉଥିବା ସମୟରେ ଗୋଡ଼ ଖସିଯାଇ ପୋଖରୀରେ ପଡି ଯାଇଥିଲେ । ତେବେ ସ୍ଥାନୀୟ ଲୋକ ଉଦ୍ଧାର କରିବାକୁ ଲାଗିଥିଲେ ବି ଉଦ୍ଧାର କରିବାରେ ବିଫଳ ହୋଇଥିଲେ ଗ୍ରାମବାସୀ । ଶେଷରେ ଅଗ୍ନିଶମ ବିଭାଗକୁ ଖବର ଦେବା ପରେ ଅଗ୍ନୀଶମ ବିଭାଗର କର୍ମଚାରୀ ଦୀର୍ଘ ସମୟ ଚେଷ୍ଟା କରି ମଧ୍ୟ ମୃତ ଯୁବକଙ୍କୁ ଖୋଜି ପାଇନଥିଲେ ।
ଶେଷରେ ସ୍ଥାନୀୟ ଲୋକ ଜିଲ୍ଲାପାଳଙ୍କୁ ସୂଚନା ଦେଇଥିଲେ । ତେବେ ଜିଲ୍ଲାପାଳଙ୍କ ନିର୍ଦ୍ଦେଶ ପରେ କଳିଙ୍ଗନଗର ୩ୟ (irb) ବାଟେଲିୟନର ଓଡ୍ରାଫର ୧୫ ଜଣିଆ ଟିମ ଆସି ଦୀର୍ଘ ୨ଘଣ୍ଟା ଧରି ଖୋଜା ଖୋଜି କରି ମୃତଦେହକୁ ଉଦ୍ଧାର କରିଥିଲେ । ତେବେ ଘଟଣାସ୍ଥଳରେ କୋରେଇ ପୋଲିସ ପହଞ୍ଚି ମୃତ ମଙ୍ଗୁଲୁକୁ ବ୍ୟବଚ୍ଛେଦ ପାଇଁ ପଠାଇ ତଦନ୍ତ ଜାରି ରଖିଛି ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
