ଯାଜପୁର : ଯାଜପୁର ଜିଲ୍ଲା ଦଶରଥପୁରର ମଙ୍ଗଳପୁର ଥାନା ଝୁମ୍ପୁରୀ ଗାଁରେ ବଧୁହତ୍ୟା ଅଭିଯୋଗ । ଅଧିକ ଯୌତୁକ ପାଇଁ ଝିଅକୁ ମାରି ଦେଇଥିବା ନେଇ ଝିଅ ଘର ଲୋକେ ଅଭିଯୋଗ କରିଛନ୍ତି । ମୃତ ଯୁବତୀ ଜଣକ ହେଲେ ଚଇନପୁର ଗ୍ରାମର ସଞ୍ଜୟ କୁମାର ସାହୁଙ୍କ ଝିଅ ରଶ୍ମିତା ପୁଷ୍ଟି । ବର୍ଷେ ତଳେ ଝୁମ୍ପୁରୀ ଗାଁର ବାବନ ପୁଷ୍ଟିଙ୍କ ପୁଅ ବିକାଶ ପୁଷ୍ଟିକୁ ବୈଦିକ ରୀତିନୀତି ଅନୁସାରେ ରଶ୍ମିତା ବିବାହ କରିଥିଲେ । ବିବାହ ସମୟରେ ସମସ୍ତ ଯାନିଯୌତୁକ ପୁଅ ଘର ଦାବି ମୁତାବକ ଦିଆଯାଇଥିଲା ।
ହେଲେ ବାହାଘର ପରଠାରୁ ଝିଅ ରଶ୍ମିତାଙ୍କୁ ଶାରୀରିକ ଓ ମାନସିକ ନିର୍ଯାତନା ଦିଆଯାଉଥିଲା । ଆଜି ରଶ୍ମିତାଙ୍କ ଝୁଲନ୍ତା ମୃତଦେହକୁ ପୋଲିସ ଉଦ୍ଧାର କରିଛି । ଯୌତୁକ ପାଇଁ ହତ୍ୟାକାଣ୍ଡ ହୋଇଥିବା ବାପଘର ଲୋକେ ଅଭିଯୋଗ ଆଣିଛନ୍ତି ।
ଏନେଇ ପୋଲିସ ଏକ ମାମଲା ରୁଜୁ କରି ଶବ ବ୍ୟବଚ୍ଛେଦ ପାଇଁ ଜିଲ୍ଲା ମୁଖ୍ୟ ଡାକ୍ତରରଖାନାରେ ଭର୍ତ୍ତି କରିଛି। ଏହାସହ ମଙ୍ଗଳପୁର ଥାନାରେ ଲିଖିତ ଅଭିଯୋଗ ପରେ ପୋଲିସ ଘଟଣାର ତଦନ୍ତ ଜାରି ରଖିଛି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
