ଯାଜପୁର: ବୁଧବାର ଦାନଗଦି ଭବନ ପରିସରରେ ‘ଓଡିଶା ମୋ ପରିବାର’ ପକ୍ଷରୁ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଏହି ଶିବିରକୁ ଯାଜପୁର ସାଂସଦ ଶର୍ମିଷ୍ଠା ସେଠୀ ଆନୁଷ୍ଠାନିକ ଭାବେ ଉଦଘାଟନ କରିଥିଲେ ।
ଏହି ଶିବିରରେ ପୂର୍ବତନ ସାଂସଦ ରିତା ତରାଇ, ସୁକିନ୍ଦା ବିଧାୟକ ପ୍ରୀତିରଞ୍ଜନ ଘଡେଇ ଯୋଗ ଦେଇ ରକ୍ତଦାତାଙ୍କୁ ଉତ୍ସାହିତ କରିଥିଲେ । କୋରୋନା ସମୟରେ ରକ୍ତ ସଙ୍କଟ ଦୂର କରିବା ପାଇଁ ‘ଓଡିଶା ମୋ ପରିବାର’ ଏଭଳି ରକ୍ତଦାନ ଶିବିର ଆୟୋଜିତ କରୁଛି ।
‘ଓଡିଶା ମୋ ପରିବାର’ ପକ୍ଷରୁ ରକ୍ତଦାନ ଶିବିର
ଏହି ରକ୍ତଦାନ ଶିବିରରେ ବିଜୁ ଜନତା ଦଳର ଆଗଧାଡିର ଯୁବକର୍ମୀମାନେ ଯୋଗ ଦେଇଥିଲେ । ଏଭଳି ସଫଳ କାର୍ଯ୍ୟକ୍ରମକୁ ସାଂସଦ ବେଶ ପ୍ରଶଂସା କରିଥିଲେ ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
