ଯାଜପୁର: ପାଣିକୋଇଲି ଥାନା ଅନ୍ତର୍ଗତ ଶ୍ରୀହରୀ କଟେଜ ସମ୍ମୁଖରେ ମର୍ମନ୍ତୁଦ ଦୁର୍ଘଟଣା । ଟ୍ରକ ଧକ୍କାରେ ବାଇକ ଆରୋହୀ ମୃତ ଓ ଟ୍ରକ ଚାଳକ ଦୌଡି ପଳାଉଥିବା ସମୟରେ ବିପରୀତ ଦିଗରୁ ଆସୁଥିବା କାର ଧକ୍କାରେ ଟ୍ରକ ଚାଳକର ମଧ୍ୟ ମୃତ୍ୟୁ ହୋଇଛି।
ଟ୍ରକ-ବାଇକ ମୁହାଁମୁହିଁ
ସୂଚନାମୁତାବକ, ସୋମବାର ସନ୍ଧ୍ୟା 5 ଟା ସମୟରେ ପାଣିକୋଇଲି ଛକରୁ ଯାଜପୁର ଅଭିମୁଖେ ଏକ ଟ୍ରକ ଯାଉଥିବା ସମୟରେ ଏକ ବାଇକ ଧକ୍କା ହୋଇଥିଲା । ଫଳରେ ଘଟଣାସ୍ଥଳରେ ବାଇକ ଆରୋହିଙ୍କ ମୃତ୍ୟୁ ଘଟିଥିଲା। ତେବେ ଟ୍ରକର ଡ୍ରାଇଭର ନିଜକୁ ବଞ୍ଚେଇବା ପାଇଁ ଯାଇ ଟ୍ରକ ଛାଡି ଦୌଡୁଥିବା ବେଳେ ବିପରୀତ ଦିଗରୁ ଏକ କାର୍ ସହ ଧକ୍କା ହୋଇଥିଲେ ।
ତେବେ ଖବର ପାଇ ଘଟଣାସ୍ଥଳରେ ପାଣିକୋଇଲି ପୋଲିସ ପହଞ୍ଚି ଶବକୁ ବ୍ୟବଚ୍ଛେଦ ପାଇଁ ପଠେଇବା ସହିତ ଗାଡିକୁ ସିଜ କରି ତଦନ୍ତ ଜାରି ରଖିଛି। ତେବେ ସୂଚନାମୁତାବକ ଦୁର୍ଘଟଣାରେ ମୃତ୍ୟୁ ବରଣ କରିଥିବା ଦୁଇ ଜଣଙ୍କୁ ଚିହ୍ନଟ ହେଇପାରିନି।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
