ଯାଜପୁର: ଧାନ କିଆରିରୁ ମଣିଷର କଟା ମୁଣ୍ଡ ଉଦ୍ଧାର । ଯାଜପୁର ଥାନା ଚିତାଳ କୂଳଭେଡି ଗାଁ ଧାନ କିଆରିରୁ ଏକ କଟା ମୁଣ୍ଡ ଉଦ୍ଧାର ହୋଇଛି । ତେବେ ଉଦ୍ଧାର ହୋଇଥିବା ମୁଣ୍ଡଟି କୌଣସି ଏକ ଶିଶୁର ବୋଲି ଅନୁମାନ କରାଯାଉଛି । ଗତକାଲି(ଶୁକ୍ରବାର) ଅପରାହ୍ନରେ ଗ୍ରାମବାସୀ ବିଲରେ ଘାସ କାଟୁଥିବା ବେଳେ ଏହାକୁ ଦେଖିଥିଲେ । ଖବର ପାଇ ଚିତାଳ ବିଟ ହାଉସ ପୋଲିସ ଘଟଣା ସ୍ଥଳରେ ପହଞ୍ଚି କଟା ମୁଣ୍ଡକୁ ଜବତ କରିଥିଲା ।
ଧାନ କିଆରୀରୁ ମଣିଷର କଟା ମୁଣ୍ଡ ଉଦ୍ଧାର, ହତ୍ୟା ସନ୍ଦେହ
ତେବେ ଧାନ କିଆରିକୁ କଟା ମୁଣ୍ଡ କିପରି ଆସିଲା ତାକୁ ନେଇ ଏବେ ଚର୍ଚ୍ଚା ଜୋର ଧରିଛି । ଗତ ଗୁରୁବାର ଅମାବାସ୍ୟା ହୋଇଥିବାରୁ, ଏହା ଏକ ବଳି ଜନିତ ହତ୍ୟାକାଣ୍ଡ ବୋଲି ଅଭିଯୋଗ ହୋଇଛି । ସେପଟେ ପୋଲିସର ତଦନ୍ତ ପରେ ଯାହା କିଛି ସ୍ପଷ୍ଟ ଜଣାପଡିବ ବୋଲି କୁହାଯାଇଛି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
