ଯାଜପୁର: ଡକାୟତି ଯୋଜନାକୁ ପଣ୍ଡ କରିବାରେ ସକ୍ଷମ ହୋଇଛି ଧର୍ମଶାଳା ପୋଲିସ। ଏଥିସହ ୬ଜଣ ଡକାୟତଙ୍କୁ ଗିରଫ କରିବା ସହ ସେମାନଙ୍କ ନିକଟରୁ ଗୋଟିଏ ବନ୍ଧୁକ, ୨ଟି ଅଫୁଟା ଗୁଳି, ୨ଟି ବାଇକ୍, ବିଭିନ୍ନ ମାରଣାସ୍ତ୍ର ସହ କ୍ୟାମେରା, ମୋବାଇଲ ଓ ଏଟିଏମ୍ କାର୍ଡକୁ ଜବତ କରିଛି କରିଛି ପୋଲିସ୍।
ଭିଡିଓ ସୌଜନ୍ୟ: ସମ୍ବାଦଦାତା, ଯାଜପୁର
ସୋମବାର ରାତିରେ ଅଭିଯୁକ୍ତମାନେ ଜାରକା ନିକଟସ୍ଥ ଦେଉଳି ପାହାଡ ନିକଟରେ ଡକାୟତି କରିବାକୁ ଯୋଜନା ଚଳାଉଥିବା ବେଳେ କୌଣସି ସୂତ୍ରରୁ ଖବରପାଇ ଧର୍ମଶାଳା ପୋଲିସ ଚଢାଉ କରି ଗିରଫ କରିଥିଲା। ତେବେ ଗିରଫ ଅଭିଯୁକ୍ତଙ୍କ ନାଁରେ ଜିଲ୍ଲାର ବିଭିନ୍ନ ଥାନାରେ ମାମଲା ରହିଥିବା ବେଳେ ଏମାନଙ୍କୁ ମଙ୍ଗଳବାର କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ସରୋଜ କୁମାର ସାହୁ ସୂଚନା ଦେଇଛନ୍ତି।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
