ଯାଜପୁର: ଜିଲ୍ଲା ସ୍ଥିତ ବ୍ୟାସନଗରରୁ ନାଗସାପ ଉଦ୍ଧାର । ସ୍ନେକ ହେଲ୍ପଲାଇନ ସଦସ୍ୟ ପହଞ୍ଚି ସାପକୁ ଉଦ୍ଧାର କରିଛନ୍ତି । ଉଦ୍ଧାର ସାପର ଲମ୍ବ 5 ଫୁଟ ହୋଇଥିବା ସୂଚନା ।
ଯାଜପୁରରୁ ୫ ଫୁଟର ନାଗସାପ ଉଦ୍ଧାରଯାଜପୁରରୁ ୫ ଫୁଟର ନାଗସାପ ଉଦ୍ଧାର
ତେବେ ମଙ୍ଗଳବାର ରାତିରେ ଅତ୍ୟଧିକ ଗରମ ହେବାରୁ ବ୍ୟାସନଗର ଝାଟିଆସାହି ଗାଁର ପ୍ରଭାତ ସାମଲ ଏବଂ ତାଙ୍କ ପରିବାର ଲୋକେ ବାହାରେ ବସିଥିଲେ । ଏହି ସମୟରେ ତାଙ୍କ ଘର ସାମ୍ନାରେ ଥିବା ଚଉଁରା ନିକଟରେ ସାପଟିଏ ଥିବା ଦେଖିବାକୁ ପାଇଥିଲେ । ଏନେଇ ଖବର ପାଇ ସାପକୁ ଦେଖିବା ପାଇଁ ସ୍ଥାନୀୟ ଲୋକଙ୍କ ଭିଡ଼ ଜମିଥିଲା । ସ୍ଥାନୀୟ ଲୋକେ ଯେତେ ଚେଷ୍ଟା କଲେବି ସାପକୁ ଧରିବା ପାଇଁ ସକ୍ଷମ ନହେବାରୁ ସ୍ନେକ ହେଲ୍ପ ଲାଇନ ସଦସ୍ୟ ମଣିଭଦ୍ର ମଲ୍ଲିକଙ୍କୁ ଖବର ଦେଇଥିଲେ ।
ଖବର ପାଇ ମଣିଭଦ୍ର ତୁରନ୍ତ ଘଟଣାସ୍ଥଳରେ ପହଞ୍ଚି ସାପଟିକୁ ଉଦ୍ଧାର କରିଥିଲେ । ପରେ ଉଦ୍ଧାର ସାପଟି ୫ଫୁଟର ଏକ ନାଗସାପ ବୋଲି ଜଣାପଡିଛି । ଅନ୍ୟପଟେ ଉଦ୍ଧାର ସାପକୁ ବନବିଭାଗକୁ ହସ୍ତାନ୍ତର କାଯାଇଥିବା ଜଣା ପଡ଼ିଛି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
