ଝାରସୁଗୁଡ଼ା: ଜାନୁଆରୀ ପହିଲାରୁ ଝାରସୁଗୁଡା ଜିଲ୍ଲା ପ୍ରତିଷ୍ଠାକୁ ପୂରଣ ହେବ 26 ବର୍ଷ । ସେଥିପାଇଁ ଚଳିତବର୍ଷ ଜିଲ୍ଲା ମହୋତ୍ସବ ‘ଦୁଲଦୁଲି’ ଧୁମଧାମରେ ପାଳନ କରିବାକୁ ନିଷ୍ପତ୍ତି ନିଆଯାଇଛି । ମନମୋହନ ସ୍କୁଲ ପଡ଼ିଆରେ 5 ଦିନ ଧରି ଅନୁଷ୍ଠିତ ହେବାକୁ ଥିବା ଝାରସୁଗୁଡା ଜିଲ୍ଲା ମହୋତ୍ସବ ଦୁଲଦୁଲି ବୁଧବାର ଜାନୁଆରୀ 1 ତାରିଖରେ ଉଦଘାଟିତ ହେବ।
‘ଦୁଲଦୁଲି’ରେ ଦୁଲୁକିବ ଜିଲ୍ଲା
ଏହି ମହୋତ୍ସବରେ ରାଜ୍ୟ ତଥା ରାଜ୍ୟ ବାହାରୁ ବହୁ ସଂଖ୍ୟକ ସାଂସ୍କୃତିକ ଦଳ ଅଂଶ ଗ୍ରହଣ କରିବେ । ଜାନୁଆରୀ 1ରୁ ଜିଲ୍ଲା ମହୋତ୍ସବ ଆରମ୍ଭ ହେଉଥିବା ବେଳେ ଏହା ପାଞ୍ଚ ଦିନ ବ୍ୟାପି ଚାଲିବ । ମହୋତ୍ସବରେ ପଲ୍ଲୀଶ୍ରୀ ମେଳା, ହସ୍ତତନ୍ତ, ହସ୍ତକଳା, କୁଟୀର ଶିଳ୍ପ, ଟେରାକୋଟା ପ୍ରଦର୍ଶନୀ ପାଇଁ 300 ଷ୍ଟଲ ସହ ବିଶାଳ ରକ୍ତଦାନ ଶିବିର ଅନୁଷ୍ଠିତ ହେବ ବୋଲି ଝାରସୁଗୁଡା ଜିଲ୍ଲାପାଳ ସରୋଜ ସାମଲ ସୂଚନା କହିଛନ୍ତି ।
ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ
