ଜଗତସିଂହପୁର: ପୋଲିସ ଉଦ୍ଧାର କରିଥିବା ଅର୍ଦ୍ଧଦଗ୍ଧ ଯୁବକର ମୃତ୍ୟୁ । ଜଗତସିଂହପୁର ମେଡିକାଲରେ ଆଜି(ରବିବାର) ସକାଳେ ଯୁବକର ମୃତ୍ୟୁ ଘଟିଛି । ଗତକାଲି ରାତିରେ ହୁତୁହୁତୁ ହୋଇ ଜଳୁଥିବା ସମୟରେ ଯୁବକକୁ ଉଦ୍ଧାର କରିଥିଲା ବାଲିକୁଦା ପୋଲିସ । ପରେ ତାକୁ ଜଗତସିଂହପୁର ମେଡିକାଲରେ ଭର୍ତ୍ତି କରାଯାଇଥିଲା ।
ଭିଡିଓ ସୌଜନ୍ୟ: ପ୍ରତିନିଧି, ଜଗତସିଂହପୁର
ସୂଚନା ଅନୁସାରେ, ବାଲିକୁଦା ଥାନା ଦା ଗାଁ ଅଞ୍ଚଳରେ ଗତକାଲି ରାତି 2ଟା ବେଳେ ଜଣେ ଯୁବକ ହୁତୁହୁତୁ ହୋଇ ଜଳୁଥିବା ଗ୍ରାମବାସୀ ଦେଖିବାକୁ ପାଇଥିଲେ । ସଙ୍ଗେସଙ୍ଗେ ପୋଲିସକୁ ଖବର ଦେବା ପରେ ପୋଲିସ ଆସି ପୋଡି ଯାଇଥିବା ଗୁରୁତର ଯୁବକକୁ ଜଗତସିଂହପୁର ମେଡିକାଲରେ ଭର୍ତ୍ତି କରିଥିଲା ।
ତେବେ ଆଜି ସକାଳେ ତାଙ୍କର ମୃତ୍ୟୁ ଘଟିଛି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବାବେଳେ ପୋଡି ଯାଇଥିବା ଯୁବକର ପରିଚୟ ମିଳିପାରି ନାହିଁ ।
ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ
