ପାରାଦୀପ: ଓଡ଼ିଶା ଡ଼୍ରାଇଭର ମହାସଙ୍ଘର କୁଜଙ୍ଗ ଶାଖା ପକ୍ଷରୁ ଏକ ସମାବେଶ ଅନୁଷ୍ଠିତ ହୋଇଯାଇଛି । ୩ଶହରୁ ଊର୍ଦ୍ଧ୍ବ ଡ୍ରାଇଭରଙ୍କୁ ନେଇ କୁଜଙ୍ଗ ତାଳଦଣ୍ଡା ନିକଟରୁ ଏକ ବିଶାଳ ରାଲି ବାହାରି ସନ୍ତରା ସାଇ ମନ୍ଦିର ନିକଟରେ ପହଞ୍ଚିଥିଲେ । ଆଉ ଏଥିରେ ଓଡ଼ିଶା ଡ଼୍ରାଇଭର ମହାସଙ୍ଘର ସଭାପତି, ସମ୍ପାଦକ, କୁଜଙ୍ଗ ଶାଖା ଓ ଜଗତସିଂହପୁର ଶାଖାର ବହୁ କର୍ମକର୍ତ୍ତା ଯୋଗ ଦେଇଥିଲେ ।
ତେବେ ଦେଶର ଅର୍ଥନୀତିରେ ମଧ୍ୟ ଡ଼୍ରାଇଭରଙ୍କର ଭୂମିକା ଗୁରୁତ୍ୱପୂର୍ଣ୍ଣ ରହିଥିବା ନେଇ ଡ୍ରାଇଭରମାନେ ଯୁକ୍ତି ବାଢିଛନ୍ତି । ମାତ୍ର ପ୍ରତ୍ୟେକ କ୍ଷେତ୍ରରେ ସରକାର ଓ ସାଧାରଣ ଜନତା, ଡ଼୍ରାଇଭରଙ୍କୁ ଅଣଦେଖା କରୁଛନ୍ତି । ଯାହାର ବିରୋଧ କରିଛି ଡ଼୍ରାଇଭର ମହାସଙ୍ଘ । ପ୍ରତ୍ୟେକ ଡ଼୍ରାଇଭରଙ୍କୁ ବୀମାଭୁକ୍ତ କରିବା, ବିଭିନ୍ନ ସ୍ଥାନରେ ଗାଡ଼ି ପାର୍କିଂର ସୁବିଧା ସହିତ ପାନୀୟ ଜଳର ସୁବିଧା କରିବା ଏବଂ ଦରମାର ସମୟସୀମା ସରକାର ନିର୍ଦ୍ଧାରଣ କରିବାକୁ ମହାସଙ୍ଘ ସରକାରଙ୍କ ପାଖରେ ଦାବି ରଖିଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
