ଜଗତସିଂହପୁର: ଜିଲ୍ଲାରେ ଧାନମଣ୍ଡି ଖୋଲିବାକୁ ନେଇ ସମସ୍ୟା ଦେଖା ଦେଇଛି। ଜିଲ୍ଲା ଯୋଗାଣ ବିଭାଗ ଓ ଜିଲ୍ଲାର ନିୟନ୍ତ୍ରିତ ବଜାର କମିଟି ଜରିଆରେ 8 ଟି ବ୍ଲକର 71 ଟି ସ୍ଥାନରେ ଧାନମଣ୍ଡି ଖୋଲାଯାଇ ଧାନ ସଂଗ୍ରହ କରାଯିବାକୁ ପ୍ରଶାସନ ତରଫରୁ ବିଜ୍ଞପ୍ତି ପ୍ରକାଶ ପାଇଥିଲା।
ଖୋଲୁନି ଧାନମଣ୍ଡି; ପ୍ରଶାସନ ଚୁପ୍
ତେବେ ଗତ ଡିସେମ୍ବର 13 ତାରିଖ ପୂର୍ବରୁ ଜିଲ୍ଲାର ସବୁ ବ୍ଲକରେ ମଣ୍ଡି ଖୋଲି ଦିଆଯିବ ଓ ପଞ୍ଜିକୃତ ଚାଷୀ ସେମାନଙ୍କ ଧାନ ମଣ୍ଡି ଜରିଆରେ ବିକ୍ରି କରିପାରିବେ ବୋଲି ପ୍ରଶାସନ ବାହାସ୍ଫୋଟ ମାରିଥିଲା।
କିନ୍ତୁ ଏହା ମଧ୍ୟରେ 1 ମାସ ବିତିଯାଇଥିଲେ ମଧ୍ୟ 71 ଟି ମଣ୍ଡିରୁ ଗୋଟିଏ ବି ମଣ୍ଡି ଖୋଲିନାହିଁ । ଏସମ୍ପର୍କ ରେ ଯୋଗାଣ ବିଭାଗ ଅଧିକାରୀ ମୁହଁ ଖୋଲୁନଥିବା ବେଳେ ଉପଜିଲ୍ଲାପାଳ ଏହା ଉପରେ ତୁରନ୍ତ ପଦକ୍ଷେପ ଗ୍ରହଣ କରାଯିବ ସୂଚନା ଦେଇଛନ୍ତି।
ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ
