ଜଗତସିଂହପୁର: ଜିଲ୍ଲାରେ ଲକଡାଉନ୍ ଜାରି ରହିଥିବା ବେଳେ ଜିଲ୍ଲାର ସମସ୍ତ ସାପ୍ତାହିକ ହାଟକୁ ଗୋଟିଏ ଦିନ ବସିବାକୁ ଜିଲ୍ଲା ପ୍ରଶାସନ ନିର୍ଦ୍ଦେଶ ଦେଇଛନ୍ତି । କିନ୍ତୁ କେତେକ ସାପ୍ତାହିକ ହାଟରେ ସାମାଜିକ ଦୂରତ୍ବ ଉଲ୍ଲଂଘନ ହେଉଥିବା ଦେଖିବାକୁ ମିଳିଛି । ଏଭଳି ଦୃଶ୍ୟ ଦେଖିବାକୁ ମିଳିଛି ଜଗତସିଂହପୁର ସହରର ସୋମନାଥ ହାଟ, କୁଜଙ୍ଗ ହାଟ, ବାଲିକୁଦା ହାଟରେ ।
ଲକଡାଉନ: ସାପ୍ତାହିକ ହାଟରେ ସାମାଜିକ ଦୂରତ୍ବ ଭୂଲିଲେ ଲୋକେ
ଉକ୍ତ ହାଟ ମାନଙ୍କରେ ପ୍ରବଳ ଜନସମାଗମ ହେଉଥିବା ଦେଖିବାକୁ ମିଳୁଛି । ସପ୍ତାହକୁ ଥରେ ବସୁଥିବା ହେତୁ ଜନଗହଳି ଦ୍ବି-ଗୁଣିତ ହେଉଛି । ସାରା ଦେଶରେ COVID-19ରେ ଆକ୍ରାନ୍ତଙ୍କ ସଂଖ୍ୟା ହୁ ହୁ ହୋଇ ବଢୁଥିବା ବେଳେ ଓଡିଶାରେ ଏହାର ସଂଖ୍ୟା 9ରେ ପହଞ୍ଚିଛି ।
ତେବେ ଜିଲ୍ଲା ଓ ପୋଲିସ ପ୍ରଶାସନ ଏଭଳି ଛୋଟ ଛୋଟ ନିୟମ ଉଲ୍ଲଂଘନ ଉପରେ ଦୃଷ୍ଟି ନଦେଲେ ଆଗାମୀ ଦିନରେ ଏହା ସମସ୍ୟା ସୃଷ୍ଟି କରିବ ବୋଲି ଆଶଙ୍କା କରାଯାଉଛି ।
ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ
