ଜଗତସିଂହପୁର: ଜିଲ୍ଲାର ସମ୍ବେଦନଶୀଳ ନାଉଗାଁ ଥାନାରେ ଏବେ ଅଫିସର ମରୁଡି ପଡିଥିବା ଦେଖିବାକୁ ମିଳିଛି । ଏଠାରେ ଦୁଇଟି ସବଇନସ୍ପେକ୍ଟର ପଦବୀ ଖାଲି ପଡିଥିବା ବେଳେ ଦୁଇ ଜଣ ASI ପଦବୀ ମଧ୍ୟରୁ ଗୋଟିଏ ପଦବୀ ଖାଲି ପଡ଼ିଥିବା ସୂଚନା ମିଳିଛି ।
ନାଉଙ୍ଗା ପୋଲିସ ଷ୍ଟେସନରେ ନାହାନ୍ତି ଅଫିସର
ସେହିଭଳି ଥାନାରେ ମାତ୍ର ପାଞ୍ଚ ଜଣ କନେଷ୍ଟବଲ ରହିଛନ୍ତି । ସେମାନଙ୍କ ମଧ୍ୟରୁ ଜଣେ କନେଷ୍ଟବଲଙ୍କର ସ୍ଵାସ୍ଥ୍ୟଗତ ସମସ୍ୟାକୁ ନେଇ ଛୁଟିରେ ରହିଛନ୍ତି । ଯାହାକୁ ନେଇ ସମ୍ବେଦନଶୀଳ ନାଉଗାଁ ଥାନା ଅଞ୍ଚଳରେ ଆଇନ ଶୃଙ୍ଖଳା ପରିସ୍ଥିତି ନିୟନ୍ତ୍ରଣକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି ।
ନାଉଗାଁ ଥାନା ଅଧିନରେ 16 ଟି ପଞ୍ଚାୟତର ପ୍ରାୟ 40 ହଜାରରୁ ଅଧିକ ଲୋକ ବସବାସ କରୁଥିବା ବେଳେ ପୋଲିସ କର୍ମଚାରୀଙ୍କ ଅଭାବକୁ ନେଇ ସମସ୍ୟା ସୃଷ୍ଟି ହୋଇଛି । ଏସମ୍ପର୍କରେ ଜଗତସିଂହପୁର ଏସପି ପ୍ରକାଶ ରଙ୍ଗରାଜଙ୍କୁ ଯୋଗଯୋଗ କରିଥିଲେ ମଧ୍ୟ ଯୋଗଯୋଗ ସମ୍ଭବ ହୋଇପାରିନାହିଁ ।
ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ
