ଜଗତସିଂହପୁର: ଆଜି ସାରା ରାଜ୍ୟରେ ପାଳିତ ହେଉଛି ପବିତ୍ର କାର୍ତ୍ତିକ ପୂର୍ଣ୍ଣିମା । କଳିଙ୍ଗର ସାଧବ ପୁଅ ବାଣିଜ୍ୟ ପାଇଁ ଜଳପଥରେ ବିଦେଶକୁ ଯାତ୍ରା କରିଥିଲେ । ଏହି ପରମ୍ପରାର ସ୍ମୃତିଚାରଣ କରି ବୋଇତ ବନ୍ଦାଣ ଉତ୍ସବ ପାଳନ ହେଉଛି ।
ପାରାଦୀପର ବିଜୁମଇଦାନ ଠାରେ କଳିଙ୍ଗ ବାଲିଯାତ୍ରା ଉଦଘାଟିତ ହୋଇଛି । ପଞ୍ଚାୟତ ରାଜମନ୍ତ୍ରୀ ପ୍ରତାପ ଜେନା ଆନୁଷ୍ଠାନିକ ଭାବେ ଏହାକୁ ଉଦଘାଟନ କରିଛନ୍ତି । କଳିଙ୍ଗର ପ୍ରାଚୀନ ସଂସ୍କୃତି, ଐତିହ ଓ ପରମ୍ପରାକୁ ଉଜ୍ଜିବୀତ କରି ରଖିବା ପାଇଁ କଳିଙ୍ଗ ବାଲିଯାତ୍ରାର ପରିକଳ୍ପନା ପ୍ରବାଦ ପୁରୁଷ ବିଜୁ ପଟ୍ଟନାୟକ କରିଥିଲେ।
ଏଥିରେ ଜଳସମ୍ପଦ ମନ୍ତ୍ରୀ ରଘୁନନ୍ଦନ ଦାସ, ସାଂସଦ ରାଜଶ୍ରୀ ମଲ୍ଲିକ, ପାରାଦୀପ ବିଧାୟକ ସମ୍ବିତ୍ ରାଉତରାୟ, ଜିଲାପାଳ ସଂଗ୍ରାମ କେଶରୀ ମହାପାତ୍ର, ପାରାଦୀପ ବନ୍ଦର ଅଧକ୍ଷ୍ୟ ରଙ୍କେସ ରାୟ ପ୍ରମୁଖ ଯୋଗ ଦେଇଥିଲେ। ପ୍ରାୟ 7ଦିନ ଧରି ଏହି ବାଲିଯାତ୍ରା ଚାଲିବ । ପାରାଦୀପ ସମୁଦ୍ର କୂଳକୁ ଲାଗି ଏହି ବାଲିଯାତ୍ରା ହେଉଥିବାରୁ ଦର୍ଶକ ମାନଙ୍କ ପ୍ରବଳ ଭିଡ ଦେଖିବାକୁ ମିଳେ । ଏଥିସହିତ ପ୍ରତି ସଂନ୍ଧ୍ୟାରେ ସାଂସ୍କତିକ କାର୍ଯ୍ୟକ୍ରମ ଲୋକଙ୍କୁ ଆକୃଷ୍ଟ କରିଥାଏ ।
ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ
