ଜଗତସିଂହପୁର: ଜିଲ୍ଲାର ପାରାଦୀପ ବିଜୁ ମଇଦାନ ଠାରେ ଅନୁଷ୍ଠିତ କଳିଙ୍ଗ ବାଲିଯାତ୍ରା ଉଦ୍ଯାପିତ ହୋଇଯାଇଛି। ଉଦଯାପନୀ ଉତ୍ସବରେ ରାଜସ୍ବ ମନ୍ତ୍ରୀ ସୁଦାମ ମାରାଣ୍ଡି ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ।
ଉଦ୍ଯାପିତ ହେଲା କଳିଙ୍ଗ ବାଲିଯାତ୍ରା
ଉତ୍କଳୀୟ ପରମ୍ପରା ଓ ସଂସ୍କୃତି ସହ ନୌବାଣିଜ୍ୟ ସର୍ବଦା ଜଡି଼ତ । ଏହାକୁ ଉଦ୍ଜୀବିତ ରଖିବା ପାଇଁ ବିଜୁବାବୁ କଳିଙ୍ଗ ବାଲିଯାତ୍ରାର ପରିକଳ୍ପନା କରିଥିବା ଅତିଥି ମାନେ ପ୍ରକାଶ କରିଥିଲେ। ଏହି ଅବସରରେ ପାରାଦୀପ ବିଧାୟକ ସମ୍ବିତ ରାଉତରାୟ, ଜଗତସିଂହପୁର ବିଧାୟକ ପ୍ରଶାନ୍ତ ମୁଦୁଲି, ଜିଲ୍ଲାପାଳ ସଂଗ୍ରାମ କେଶରୀ ମହାପାତ୍ର, ପ୍ରମୁଖ ଯୋଗ ଦେଇଥିଲେ।
ସୋମବାର ଉଦ୍ଯାପନୀ ଦିବସରେ ପ୍ରବଳ ଜନସମାଗମ ହୋଇଥିଲା। ତେବେ ସଭାରେ ଗଣମାଧ୍ୟମ ପ୍ରତିନିଧିଙ୍କୁ ଅବହେଳା ପଦର୍ଶନ କରାଯିବାରୁ କାର୍ଯ୍ୟକ୍ରମରେ ଅସନ୍ତୋଷ ଦେଖା ଦେଇଥିଲା।
ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ
