ଜଗତସିଂହପୁର: ପାରାଦୀପରେ କୋରୋନା ଭୟ । ଯାହାକୁ ନେଇ ସ୍ଥାନୀୟ ଅଞ୍ଚଳରେ ଭୟର ବାତାବରଣ ସୃଷ୍ଟି ହୋଇଛି । ମଙ୍ଗଳବାର ପୂର୍ବାହ୍ନ ସାଉଥ୍ କୋରିଆରୁ ଚାଇନା ଦେଇ ପାରାଦୀପ ପୋର୍ଟକୁ ପ୍ରବେଶ କରିଥିଲା ଏକ ପଣ୍ୟବାହୀ ଜାହାଜ । ଏହି ଜାହାଜରେ 20 ହଜାର ଟନର ସଲଫରେକ୍ ଏସିଡ ଥିଲା ।
ପାରଦୀପରେ କୋରୋନା ଭୟ, 2 ସନ୍ଦିଗ୍ଧ ଚିହ୍ନଟ
ଉକ୍ତ ଜାହାଜରେ 24 ଜଣ ନାବିକ ଥିଲେ । ଏମାନଙ୍କ ମଧ୍ୟରୁ ଜଣେ ଭାରତୀୟଙ୍କ ଦେହ ଖରାପ ଥିବାରୁ ତାଙ୍କୁ ପ୍ରଥମେ ପୋର୍ଟ ହସ୍ପିଟାଲ ପରେ କଟକ ଏସସିବିକୁ ସ୍ଥାନାନ୍ତର କରାଯାଇଛି । ଅନ୍ୟ ନାବିକମାନେ ସୁରକ୍ଷିତ ଥିବା ସୂଚନା ମିଳିଛି ।
ଜ୍ବର ଆକ୍ରାନ୍ତ ଭାରତୀୟ ଜଣକ କୋରୋନାରେ ଆକ୍ରାନ୍ତ ନା ସାଧାରଣ ଥଣ୍ଡା ଜ୍ବର ଏହା ସ୍ପଷ୍ଟ ହୋଇନଥିବା ବେଳେ ତାଙ୍କ ସହ ଥିବା ତାଙ୍କ ପତ୍ନୀଙ୍କୁ ମଧ୍ୟ କଟକ ସ୍ଥାନାନ୍ତର କରାଯାଇଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
