ଜଗତସିଂହପୁର: ବଟି ନ ଦେବାରୁ ଭୁଜାଲିରେ ମରଣାତ୍ମକ ଆକ୍ରମଣ । ଅଳ୍ପକେ ବର୍ତିଲେ ବ୍ୟବସାୟୀ । ଏଭଳି ଘଟଣା ଦେଖିବାକୁ ମିଳିଛି ଜଗତସିଂହପୁର ସହରରେ । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ସୂଚନା ଅନୁସାରେ ଜଗତସିଂହପୁର ଉପକଣ୍ଠ ଆଳି ପିଙ୍ଗଳର ସଞ୍ଜୟ ଜେନା ନାମକ ଜଣେ ବ୍ୟକ୍ତି ଜଗତସିଂହପୁର ସହରରେ ଏକ ହୋଟେଲ କରି ବ୍ୟବସାୟ କରନ୍ତି। ସହରର କାଳିଆ ପାତ୍ର ନାମକ ଜଣେ ଅସାମାଜିକ ବ୍ୟକ୍ତି ପ୍ରତେକ ଥର ଧମକ ଚମକ ଦେଇ ବଟି ଆଦାୟ କରୁଥିଲା। ହେଲେ ଆଜି(ବୁଧବାର) ସନ୍ଧ୍ୟାରେ କାଳିଆ ବଟି ମାଗିବାକୁ ଆସି ପ୍ରତ୍ୟକ ଦିନ ହଜାରେ ଟଙ୍କା ଦେବାକୁ କହିଥିଲା।ଏଥିରେ ବ୍ୟବସାୟୀ ଜଣକ ରାଜି ନ ହେବାରୁ କାଳିଆ ଏକ ଭୁଜାଲିରେ ଆକ୍ରମଣ କରିବାକୁ ଗୋଡ଼ାଇ ଥିଲା।ଏଥିରେ ବ୍ୟବସାୟୀ ଜଣକ ଜୀବନ ବିକଳରେ ହୋଟେଲ ଛାଡି ଦୌଡି ଥିଲେ । ଏହା ଦେଖି ସ୍ଥାନୀୟ ଲୋକେ ରୁଣ୍ଡ ହୋଇ ଯିବାରୁ କାଳିଆ ସେଠାରୁ ଖସି ପଳାଇ ଯାଇଥିଲା। ଖବର ପାଇ ପୋଲିସ ବିଭିନ୍ନ ସ୍ଥାନରେ ଚଢ଼ାଉ କରି ଅଭିଯୁକ୍ତ କାଳିଆକୁ ଗିରଫ କରିଛି। କାଳିଆ ନାମରେ ପୂର୍ବରୁ ଦାଦାବଟି ଆଦାୟ, ଡକାୟତି ଭଳି ଅନେକ ସଙ୍ଗୀନ ମାମଲା ଥିବା ପୋଲିସ କହିଛି।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର,ଇଟିଭି ଭାରତ
