ଜଗତସିଂହପୁର: ବିପୁଳ ପରିମାଣର ବ୍ରାଉନସୁଗାର ଜବତ । ସଦର ଥାନା ଅନ୍ତର୍ଗତ ମାର୍କଣ୍ଡପୁର ବଡବାଗ ଗ୍ରାମରେ ପୋଲିସ ପକ୍ଷରୁ ଚଢ଼ାଉ କରାଯାଇଛି । ଚଢ଼ାଉ ବେଳେ ବିପୁଳ ପରିମାଣର ବ୍ରାଉନ ସୁଗାର ଜବତ କରିଛି ପୋଲିସ । ଏହି ଘଟଣାରେ ଜଣେ ମହିଳାଙ୍କ ସମେତ ଜଣେ ଯୁବକଙ୍କୁ ପୋଲିସ ଗିରଫ କରିଛି ।
ବିପୁଳ ବ୍ରାଉନସୁଗାର ଜବତ, ମହିଳା ଗିରଫ
ଶୁକ୍ରବାର ସନ୍ଧ୍ୟାରେ ମାର୍କଣ୍ଡପୁର ଗ୍ରାମରେ ବ୍ରାଉନ ସୁଗାର ବିକ୍ରି ହେଉଥିବା ପୋଲସ ଖବର ପାଇଥିଲା । ତେବେ ପୋଲିସ ଛଦ୍ମରୂପ ଧରି ଗ୍ରାହକ ବେଶରେ ଚଢ଼ାଉ କରିଥିଲା। ଫଳରେ ଘଟଣାସ୍ଥଳରେ ଦୁଇ ଅଭିଯୁକ୍ତଙ୍କୁ ପୋଲିସ ଗିରଫ କରିଥିଲା । ଦୁଇ ଅଭିଯୁକ୍ତ ବିମଳା ପାତ୍ର ନାମକ ଜଣେ ମହିଳା ଓ ଏକାଦଶୀ ପାତ୍ର ହୋଇଥିବା ଜଣାପଡ଼ିଛି ।
ସେମାନଙ୍କ ଠାରୁ ୪୨ଟି ବ୍ରାଉନ ସୁଗାର ପ୍ୟାକେଟ ସହ ୫ ହଜାର ୪୦୦ ଟଙ୍କା ଜବତ କରିଥିବା ପୋଲିସ କହିଛି। ଦୁଇ ଅଭିଯୁକ୍ତଙ୍କୁ ଧାନାରେ ଅଟକ ରଖି ପଚରା ଉଚାର କରୁଛି ପୋଲିସ । ଏହାପରେ ଉଭୟଙ୍କୁ କୋର୍ଟ ଚାଲାଣ କରାଯାଇଥିବା ସୂଚନା ମିଳିଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
