ଜଗତସିଂହପୁର: 150 ତମ ଗାନ୍ଧୀ ଜୟନ୍ତୀ ଅବସରରେ ଅକ୍ଟୋବର 2ରେ ସାରା ରାଜ୍ୟର 21ଟି ସଂସଦୀୟ କ୍ଷେତ୍ରରେ ବିଜେପି ପକ୍ଷରୁ ପଦଯାତ୍ରାର ଆୟୋଜନ କରାଯିବା । ଯାହାକୁ ନେଇ ଜଗତସିଂହପୁରରେ ଏକ ସାମ୍ବାଦିକ ସମ୍ମିଳନୀରେ ଅନୁଷ୍ଠିତ କରାଯାଇଥିଲା ।
ଏହି ସାମ୍ବାଦିକ ସମ୍ମିଳନୀରେ ରାଜ୍ୟ ବିଜେପି ମହିଳାମୋର୍ଚ୍ଚା ସଭାପତି ପ୍ରଭାତୀ ପରିଡା, ପୂର୍ବତନ ସାଂସଦ ବିଭୁ ପ୍ରସାଦ ତରାଇ, ଜିଲା ସଂଯୋଜକ ଅମର ନାୟକ, ଜିଲ୍ଲା ସଭାପତି ସତ୍ୟବ୍ରତ ମହାପାତ୍ର, ଜିଲ୍ଲା ଯୁବ ସଭାପତି ସମ୍ପଦ ସ୍ଵାଇଁ, ପ୍ରମୁଖ ଯୋଗ ଦେଇ ମୋଦି ସରକାରଙ୍କ ଯୋଜନା ଉପରେ ଆଲୋକପାତ କରିଥିଲେ ।
ତେବେ ଏହି ସାମ୍ବାଦିକ ସମ୍ମିଳନୀରେ ଜିଲ୍ଲା ବିଜେପି ନେତାଙ୍କ ମଧ୍ୟରେ ବିବାଦ ସ୍ପଷ୍ଟ ବାରିହୋଇ ପଡୁଥିଲା । ବରିଷ୍ଠ ବିଜେପି ନେତା ଡଃ ଦାମଦୋର ରାଉତଙ୍କ ଅନୁପସ୍ଥିତିକୁ ନେଇ ସଂଯୋଜକ ଅମର ନାୟକ କହିଥିଲେ ଅସୁସ୍ଥତା କାରଣରୁ ଦାମ ବାବୁ ଆସିପାରି ନାହାଁନ୍ତି ।
ତେବେ ଏ ସମ୍ପର୍କରେ ଦାମଙ୍କୁ ପଚାରିବାରୁ ସେ କହିଛନ୍ତି ଯେ ମୁଁ ଆପୋଲରେ ଅପରେସନ ହୋଇଥିଲା । କିନ୍ତୁ ଏବେ ମୁଁ ସୁସ୍ଥ ଅଛି । ମୋତେ କେହି ଡାକିନଥିବା ସେ ପ୍ରକାଶ କରିଛନ୍ତି ।
ଜଗତସିଂହପୁରରୁ ସୁଶାନ୍ତ ସିଂ, ଇଟିଭି ଭାରତ
