ଜଗତସିଂହପୁର: ବିଦ୍ୟୁତ ଆଘାତରେ ଯୁବକଙ୍କ ମୄତ୍ୟୁ । ମୃତ ଯୁବକ ଜଣକ ପାରାଦୀପ ଗଡଲକ ଥାନା ଅନ୍ତର୍ଗତ ଭୂତୁମୁଣ୍ଡାଇ ପଞ୍ଚାୟତ ଜଗତୀ ଗ୍ରାମର ତୁଷାର କାନ୍ତ ଦାସଙ୍କ ଏକ ମାତ୍ର ପୁଅ ଅତନୁ ଅଶୁଂମାନ ଦାସ । ଅତନୁଙ୍କ ବୟସ ୨୨ ବର୍ଷ ବୋଲି ଜଣାପଡିଛି ।
ବିଦ୍ୟୁତ ଆଘାତରେ ଯୁବକ ମୃତ
ସୂଚନା ମୁତାବକ, ଗତକାଲି ବିଳମ୍ବିତ ରାତିରେ କୌଣସି କାରଣରୁ ଘରେ ଲାଇନ ଚାଲିଯିବାରୁ ଅଂଶୁମାନ ଘରେ ଥିବା ଇନଭର୍ଟର ଲାଇନକୁ ସଜାଡିବା ପାଇଁ ଉଦ୍ୟମ କରୁଥିବା ସମୟରେ ବିଦ୍ୟୁତ ସଂସ୍ପର୍ଶରେ ଆସିଥିଲେ । ତେବେ ପରିବାର ପକ୍ଷରୁ ଯୁବକକୁ ତୁରନ୍ତ ସ୍ଥାନୀୟ କୁଜଙ୍ଗ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ପଠାଇବା ପରେ ଡାକ୍ତର ତାଙ୍କୁ ସେଠାରେ ମୄତ୍ୟୁ ଘୋଷଣା କରିଛନ୍ତି ।
ତେବେ ଏଭଳି ଅଭାବନୀୟ ଘଟଣାକୁ ନେଇ ଗ୍ରାମରେ ଶୋକର ଛାୟା ଖେଳିଯାଇଛି । ତେବେ ଘଟଣାକୁ ନେଇ ପାରାଦୀପ ଗଡ଼ଲକ ଥାନା ପୋଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
