ଜଗତସିଂହପୁର: ଜିଲ୍ଲାରେ ବେଧଡକ ଚାଲିଛି ବ୍ରାଉନସୁଗାର ବିକ୍ରି । ପୋଲିସ ଆଖିରେ ଧୂଳି ଦେଇ ଦୀର୍ଘଦିନ ହେବ ପାରାଦ୍ବୀପ ଓ ଏହାର ଆଖପାଖ ଅଞ୍ଚରେ ଚାଲିଛି ବ୍ରାଉନସୁଗାର କାରବାର । ବାରମ୍ବାର ଅଭିଯୋଗ ପରେ ବି ପୋଲିସକୁ ଚକମା ଦେଇ ଖସି ଯାଉଥିବା ଏହି ଚୋରାବେପାରୀ ଆଜି କୁଜଙ୍ଗ ପୋଲିସ ହାତରେ।
ଗତକାଲି କୁଜଙ୍ଗର ତାଳଦଣ୍ଡା ଜନାପାଳ ଅଞ୍ଚଳରେ ବ୍ରାଉନସୁଗାର ବିକ୍ରି କରୁଥିବା ଦୁଇ ଜଣ ଯୁବକଙ୍କୁ ଗୋଡେଇ ଗୋଡେଇ ଧରିଥିବା ପାରାଦ୍ବୀପରେ ଏକ ସାମ୍ବାଦିକ ସମ୍ମିଳନୀରେ ପୋଲିସ ସୂଚନା ଦେଇଛି। ଏହି ସମୟରେ ସେମାନଙ୍କ ପାଖରୁ ଏକ ଆଟାଚି, ଲକ୍ଷାଧିକ ଟଙ୍କାର ବ୍ରାଉନ ସୁଗାର ଓ ଏକ ବାଇକ ଜବତ କରାଯାଇଛି।
ଗିରଫ ଦୁଇ ଅଭିଯୁକ୍ତ ହେଲେ ପଙ୍କପାଳ ଅଞ୍ଚଳର ସୁଦିପ୍ତ ପ୍ରଧାନ ଓ ବିଜୟ ମଲ। କୁଜଙ୍ଗ ପୋଲିସ ଏମାନଙ୍କୁ ଗିରଫ କରି କୋର୍ଟ ଚାଲାଣ କରିଛି। ଏମାନେ ଦୀର୍ଘ ଦିନ ହେବ ପାରାଦ୍ବୀପ ,କୁଜଙ୍ଗ, ଓ ତିର୍ତୋଲ ଅଞ୍ଚଳରେ ବ୍ରାଉନ ସୁଗାରର ସାମ୍ରାଜ୍ୟ ବିସ୍ତାର କରି ଯୁବଵର୍ଗଙ୍କୁ ବିପଥଗାମୀ କରାଉଥିଲେ।
ଜଗତସିଂହପରୁ ସୁଶାନ୍ତ ପାତ୍ର, ଇଟିଭି ଭାରତ
